ខ្សែប្រយុទ្ធវ័យក្មេងបារាំង Kylian Mbappe កំពុងតែជោគជ័យយ៉ាងខ្លាំង ក្នុងអាជីពរបស់គេ នាពេលបច្ចុប្បន្ននេះ ដោយស្គាល់រសជាតិឈ្នះពាន League1 របស់បារាំង ២រដូវកាលជាប់ៗគ្នា។

ការបង្ហាញខ្លួនត្រឹម ២រដូវកាលនៅ League1 របស់ខ្សែប្រយុទ្ធវ័យក្មេង​ តែទទួល​បានប្រជាប្រិយភាពខ្លាំង ក្នុងពិភពបាល់ទាត់ Kylian Mbappe ពិតជាល្អខ្លាំងណាស់​ ដោយ២រដូវកាលកន្លងមកនេះ កីឡាករបារាំងរូបនេះ ឈ្នះ​ពានលីគកំពូលទាំង២រដូវកាល។ ជាក់ស្តែងណាស់ កាលពីរដូវកាលមុន Mbappe​ បានស្គាល់ជាតិឈ្នះ League1 លើកដំបូង ជាមួយក្រុម AS Monaco ក្រោយពីឈ្នះរួចមក Mbappe បានផ្លាស់មកចូលរួមជាមួយក្រុម Paris Saint Germain ហើយបន្តមកឈ្នះពាន League1 ម្តងទៀត ជាមួយក្លិបថ្មីនេះ។

យ៉ាងណាក៍ដោយ ការឈ្នះពាន ២ជាមួយក្លប២ផ្សេងគ្នា នេះ Mbappe មិនមែនជាកីឡាករវ័យក្មេងជាងគេ ហើយធ្វើបានល្អជាងគេឡើយ ខណ: Kingsley Coman របស់ក្រុម Bayern Munich ធ្វើបានល្អជាងនេះទៀត ដោយឈ្នះពាន ៦ រដូវកាលជាប់គ្នា ជាមួយក្លិបធំៗ​៣ផ្សេងគ្នា។ ក៍ប៉ុន្តែ នេះក៍ជាស្ថិតិល្អមួយ សម្រាប់ខ្សែប្រយុទ្ធវ័យក្មេងបារាំង Kylian Mbappe ផងដែរ ដែលអាចធ្វើបាន ពោល២ឆ្នាំជាមួយក្លិបបាល់ទាត់ ២ ផ្សេងគ្នា ហើយឈ្នះពាន​ ២ រដូវកាលជាប់គ្នា ខណ:កីឡាករវ័យក្មេងជាច្រើន​រូប នៅមិនទាន់មានឱកាសធ្វើបានឡើយ។