Post News Media ព័ត៌មានកីឡា វីរបុរសអាល្លឺ...

វីរបុរសអាល្លឺម៉ង់ កាលពីឆ្នាំ ២០១៤ ត្រៀមទៅអង់គ្លេស

ក្រោយពីខកខានមិនបានបង្ហាញខ្លួន ឲ្យក្រុមជម្រើសជាតិអាល្លឺម៉ង់ ក្នងព្រឹត្តការណ៍​ World Cup នាប្រទេសរុស្ស៊ីឆ្នាំនេះ ខ្សែបម្រើប្រយុទ្ធ Mario Gotze បានលេចលឺដំណឹងថា កីឡាកររូបនេះ កំពុងត្រៀមផ្លាស់មកលេងនៅក្របខ័ណ្ឌ កំពូលអង់គ្លេស Premier League នារដូវកាលក្រោយនេះ។

ជាក់ស្តែងណាស់ បើតាមការចុះផ្សាយរបស់ The Mirror បានឲ្យដឹងថា ក្រុមកាំ​ភ្លើងធំ Arsenal កំពុងតែចរចារជាមួយក្រុម Borrusia Dortmund ដើម្បីផ្ទេរ​កីឡាករ Mario Gotze ពីអាល្លឺម៉ង់ មកកាន់អង់គ្លេស។ ក្នុងនោះដែរ Arsenal បានត្រៀមចាយប្រាកមត្រឹមតែ ១៨លានផោនប៉ុណ្ណោះ សម្រាប់នាំយក Mario Gotze ដែលតម្លៃនេះ គឺជាការទាមទាររបស់ ក្រុម Dortmund ។

Gotze មួយរយ:ចុងក្រោយនេះ ហាក់ស្ងប់ស្ងាត់យ៉ាងខ្លាំង បើទោះបីជាអតីតវីរបុរស ដែលធ្លាប់ស៊ុត១គ្រាប់ជួយអាល្លឺម៉ង់ ឈ្នះអាហ្សង់ទីន លើកពាន World Cup ២០១៤ រូបនេះ នៅតែល្អក្តី តែប្រជាប្រិយភាពវិញ មិនដូចមុនឡើយ ក្រោយពេល​ក្រុម Dortmund ធ្លាក់ទម្រង់លេង ស្របពេលដែលកីឡាករវ័យក្មេងឡើងជើង​ផងដែរនោះ។ ក៍ប៉ុន្តែ សម្រាប់ Arsenal នៅតែសម្លឹងឃើញកីឡាកររូបនេះ ដោយរំពឹងខ្ពស់ថា រដូវកាលក្រោយនេះ Mario Gotze នឹងក្លាយជាសមាជិកថ្មី​មួយរូបរបស់ក្រុមកាំភ្លើងធំ Arsenal មួយនេះ។

យ៉ាងណាវិញ ក្រៅពីក្រុម Arsenal នៅមានក្រុម២ ផ្សេងទៀត ដែលចង់បាន Mario Gotze ដែរ រួមមានដូចជាក្រុម Everton និង West Ham United ចង់បានមកចូលរួមក្លិបនៅរដូវកាលក្រោយដូចគ្នា។