ការលេងធ្លាក់ជើង រយ:ពេល​ ១រដូវកាលកន្លងមកនេះ បានធ្វើឲ្យខ្សែប្រយុទ្ធអន្តរ​ជាតិវែល Gareth Bale ធ្លាក់ប្រជាប្រិយភាពយ៉ាងខ្លាំង រហូតត្រូវបានក្លិបធំៗមួយ​ចំនួនតាមប្រមាញ់កីឡាកររូបនេះ ក្នុងតម្លៃថោកជាយុវជនជំនាន់ក្រោយនា​ពេល​បច្ចុប្បន្ននេះ។

យ៉ាងណាវិញ ការស៊ុត២គ្រាប់ជួយឲ្យក្រុម Real Madrid ឈ្នះហង្សក្រហម Liverpool ៣-១ ឈ្នះពាន Champion League រួចមកបានធ្វើឲ្យ Bale ចាប់ផ្តើមឡើងកូដក្រឺតក្រឺតវិញ។ ជាក់ស្តែងណាស់ បើតាមការចុះផ្សាយរបស់ ESPN reports បានឲ្យដឹងថា Gareth Bale នឹងល្បីរន្ធឺឡើងវិញ នៅរដូវកលក្រោយនេះ ពោលរូបគេនឹងក្លាយជា Key Player របស់ក្រុម Real Madrid ។ ជាការពិត ក្រោយកំពូលកីឡាករឆ្នើម Cristiano Ronaldo ចាកចេញពី Real Madrid បានធ្វើឲ្យ Gareth Bale ក្លាយជាកីឡាករសំខាន់​ជាងគេក្នុងក្រុម ស្របពេលដែលការតាមប្រមាញ់កីឡាករចំណូលថ្មី នៅមិនទាន់លឹចចេញជារូបរាងនៅឡើយនោះ។ ថ្វីបើ Real Madrid តាមប្រមាញ់​កីឡាករល្អៗច្រើនក្តី តែ Bale នៅតែសំខាន់សម្រាប់ក្រុមយក្សអេស្ប៉ាញមួយនេះ​ដដែល មិនតែប៉ុណ្ណោះ Bale អានឹងទទួលបានឱកាសច្រើនជាងមុនក្នុងការលេង​ក្នុងជម្រើស​ ១១នាក់ដំបូង ដើម្បីសាងសមិទ្ធិផលឡើងវិញ។

ដូច្នេះហើយ ការមិនចាកចេញពី ក្រុម Real Madrid ក្រោយការតាមប្រមាញ់ជា​ច្រើនលើកច្រើនសាររបស់ក្លិបធំៗកន្លងមកនេះ គឺជារឿងមួយដ៍ត្រឹមត្រូវ ព្រោះថា Bale នឹងជំនួសតំណែង Ronaldo ជាក់ជាមិនខាន។