នេះគឺជាការដោះដូរកីឡាករគួរឲ្យភ្ញាក់ផ្អើលមួយ សម្រាប់ក្របខណ្ឌកំពូលរបស់​ប្រទេសអ៊ីតាលី រវាងក្រុមសេះបង្កង់ Juventus និងក្រុមបិសាចក្រហម AC Milan នារដូវក្តៅនេះ។

បើតាមការចុះផ្សាយរបស់ ESPN reports បានឲ្យដឹងថា​ ក្រុមសេះបង្កង់ Juventus បានយល់ព្រមឲ្យក្រុម AC Milan ខ្ចីជើងខ្សែប្រយុទ្ធអាហ្សង់ទីន Gonzalo Higuain ហើយ ខណៈពួកគេវិញ បាននាំយកខ្សែការពារអ៊ីតាលី Leonardo Bunocci ត្រឡប់មកវិញ។ Higuain នឹងទទួលបានប្រាក់​ពលកម្ម​ប្រមាណជា ១៨លានអឺរ៉ូ ក្នុងមួយរដូវកាល ពីក្រុម AC Milan ហើយរដូវកាល​ក្រោយទៀត AC Milan មានបំណងទិញយកផ្តាច់តែម្តង។

Higuain ជាខ្សែប្រយុទ្ធ ល្អមួយរូបនៅ Serie A នាពេលបច្ចុប្បន្ននេះ តែវត្តមានរបស់ Ronaldo បានធ្វើឲ្យកីឡាករអាហ្សង់ទីនរូបនេះ ត្រូវតែចាកចេញ ដើម្បីស្វែងរក​ទ្រនុំថ្មី។ យ៉ាងណាវិញ ក្រឡេកមើល Leonardo Bunocci វិញ ក្រោយពីចាកចេញពី Juventus ទៅកាន់ AC Milan រដូវកាលមុននោះ នៅពេលនេះ ខ្សែការពារឆ្នើមវ័យចំណាស់រូបនេះ បានវិលមកកាន់ Juventus វិញហើយ ក្រោយពី AC Milan ចុះកុងត្រាទិញ ខ្សែការពារមួយរូបថ្មីមកនោះ។

ដូច្នេះហើយ ​ខ្សែប្រយុទ្ធ Gonzalo Higuian ត្រូវផ្លាស់ទៅលេងឲ្យក្រុមបិសាច​ក្រហម AC Milan ខណៈ Leonardo Bunocci វិញ ត្រូវត្រឡប់មកកាន់ក្រុម​សេះបង្កង់ Juventus វិញ។