Post News Media ព័ត៌មានកីឡា ស៊ុម វណ្ណា ថា...

ស៊ុម វណ្ណា ថាចាញ់ភ្នំពេញក្រោនម្សិលមិញ ដោយសាររៀបចំក្រុមមិនទាន់

លោក ស៊ុម វណ្ណា គ្រូបង្គោលក្រុមវេស្ទើនភ្នំពេញ ថាមូលហេតុចម្បងធ្វើឲ្យក្រុមខ្លួនចាញ់ភ្នំពេញក្រោន ៣-១ កាលពីល្ងាចមិញ ដោយសារកាលវិភាគប្រកួតមមាញឹកពេក ពុំអាចរៀបចំក្រុមទាន់។

គ្រូទើបដឹកនាំវេស្ទើនបាន២ប្រកួតរូបនេះបញ្ជាក់ថា កីឡាករត្រូវការយ៉ាងហោចណាស់៤ថ្ងៃដើម្បីសម្រួលសាច់ដុំ និងប្រមូលកម្លាំង ប៉ុន្តែវេស្ទើនត្រូវមកប៉ះក្រោនម្តងទៀត ត្រឹម២ថ្ងៃក្រោយឈ្នះអាស៊ីអឺរ៉ុប ៣-១ ប៉ុណ្ណោះ។

569A7487 copy

« តាមពិតថ្ងៃនេះកូនក្រុមខ្ញុំធ្វើបានល្អ ប៉ុន្តែពេលវេលាវាខ្លីពេកធ្វើឲ្យកីឡាករមួយចំនួនដែលរបួសកាលប៉ះអាស៊ីអឺរ៉ុបមិនអាចលេងបាន។ កត្តានេះធ្វើឲ្យខ្ញុំដូរចិត្តដាក់កីឡាបម្រុងលេង ហើយពួកគេទាំងអស់ពុំទាន់មានកម្លាំងគ្រប់គ្រាន់ព្រោះទើបសម្រាកបាន២ថ្ងៃ។ អញ្ចឹងហើយបានចាញ់ហ្នឹង ខ្ញុំថាបើពួកគេសម្រាកបានច្រើន លទ្ធផលនឹងប្រសើរជាងនេះ។» សម្តីលោក ស៊ុម វណ្ណា។

វេស្ទើន បានបង្កើតឱកាសស៊ុតចំគោលដៅជាច្រើនដង នៅដើមវគ្គទី១ ប៉ុន្តែធ្វើមិនបានសម្រេច រហូតនាទីទី១៥ ខ្សែប្រយុទ្ធ កែវ សុខផេង ទម្លុះសំណាញ់ទីខ្លួនបានមួយគ្រាប់មុន។ ឈានដល់វគ្គទី២ នាទីទី៤៨ កីឡាករ រុន រានី វាយបកបាន១គ្រាប់វិញ មុនពេល Kim Hyeon Woo បន្ថែម២គ្រាប់ឲ្យម្ចាស់ផ្ទះបញ្ចប់ការប្រកួតដោយលទ្ធផល ៣-១។

គិតត្រឹមសប្តាហ៍ទី១៦នេះ វេស្ទើន កំពុងឈរលេខ៩មាន៧ពិន្ទុ ពីការប្រកួតឈ្នះ១ ស្មើ៤ និងចាញ់១០ ចំណែកភ្នំពេញក្រោនឈរលេខ៥ មាន២៥ពិន្ទុ ពីការប្រកួតឈ្នះ៧ ស្មើ៤ និងចាញ់៥។

569A7400 copy

569A7404 copy

569A7413 copy

569A7433 copy

569A7440 copy

569A7551 copy

569A7616 copy

 

569A7645 copy

569A7650 copy

569A7722 copy

569A7743 copy

569A7629 copy