ក្លឹប Real Madrid ត្រូវបានគេដឹងថាបានបើកទ្វាឱ្យខ្សែបម្រើ Isco ទៅលេងនៅក្លឹប Tottenham Hotspur បាននៅរដូវកាលនេះ ប្រសិនបើសាមីខ្លួនចង់ចាកចេញពីអេស្ប៉ាញ។
ប៉ុន្មានថ្ងៃមកនេះ Spurs បានដាក់សំណើរខ្ចីជើងកីឡាករ Isco ពីក្រុម Real Madrid បន្ទាប់ពីឃើញកីឡាករវ័យ២៤ឆ្នាំរូបនេះ មិនសូវជាបានចូលលេងនៅទេក្នុងប៉ុន្មានប្រកួតមកនេះ។ យ៉ាងណាមិញ ទាក់ទិននិងសំណើរនេះ លោក Zinedine Zidane អ្នកចាត់ការក្រុមអធិរាជស ក៏បានបើកចំហរទ្វាឱ្យដែរ ប្រសិនបើរូបគេពិតជាចង់តេស្ដសមត្ថភាពនៅលីគអង់គ្លេសមែន។
ចំពោះសំណើរត្រឹមខ្ចីជើងនេះ ត្រូវបានគេដឹងថាអាចនឹងទៅរួច ព្រោះបច្ចុប្បន្នខ្សែបម្រើនៅក្លឹប Real Madrid មានច្រើន ខណ:ដែល Isco ផ្ទាល់លេងមិនទាន់ដល់ចំណុចដែលគ្រូបង្វឹកចង់បាននោះទេ សូម្បីតែ James Rodriguez ក៏អង្គុយកៅអីបម្រុងដែរ។
អតីតកីឡាករ Malaga ខាងលើ ចូលលេងឱ្យក្លឹប Real Madrid តាំងពីឆ្នាំ២០១៣កន្លងទៅ ដោយបង្ហាញខ្លួនបាន៩៨ប្រកួត និងរកគ្រាប់បាល់បាន១៥គ្រាប់។ កីឡាករជួយក្លឹបអធិរាជសឈ្នះពាន UEFA Champions League បាន២ដងនេះ ជាប់ជម្រើសជាតិអេស្ប៉ាញតាំងពីឈុត U16 រហូតដល់ឈុតធំតែម្ដង៕
មតិយោបល់