ក្លឹប Real Madrid បានក្លាយជាក្លឹបរកចំណូលបានច្រើនជាងគេបំផុតលើលោកនេះ ក្រោយពីពួកគេបានទំលាយប្រាក់ចំណូលរបស់ខ្លួនមក។

ក្លឹបយក្សរបស់អេស្ប៉ាញមួយនេះ បានបង្ហាញចំណូលរបស់ខ្លួនក្នុងឆ្នាំ២០១៥-២០១៦ កន្លងទៅ ដោយរកបាន៦២០លានអឺរ៉ូ កើនបាន៧,៤%បើធៀបទៅនឹងឆ្នាំមុន។ ចំនួនប្រាក់ដ៏ច្រើននេះ បានធ្វើឱ្យ Real Madrid វ៉ាដាច់ក្រុមគូប្រជែង Manchester United និង Barcelona ហើយ ដើម្បីក្លាយជាក្លឹបរកបានចំណូលច្រើនជាងគេ។

Barcelona ក្នុងឆ្នាំដូចគ្នានេះដែរ រកបានដល់ទៅ៦៧៩លានអឺរ៉ូ ប៉ុន្តែចំនួននេះរាប់បញ្ចូលទាំងការលក់កីឡាករប្រមាណជា៧០លានអឺរ៉ូឯណោះ ចំណែកឯ Real Madrid វិញ មិនបូកប្រាក់លក់កីឡាករទេ។ ចំពោះក្លឹប Man Utd ពួកគេបានប្រកាសថាចំណូលរកបានចំនួន៥៧០លានអឺរ៉ូប៉ុណ្ណោះ៕