ក្រុមបាល់ទាត់ជម្រើសជាតិកម្ពុជា បានសាងជ័យជម្នះដ៏ល្អក្នុងដីខ្លួនឯងមុននេះបន្តិច នៅពហុកីឡដ្ឋានជាតិ ដោយបំបាក់ក្រុមភ្ញៀវ ស្រីលង្ការ ដោយលទ្ធផល ៤ ទល់និង ០។

នៅវគ្គទី១ កម្ពុជា បានបើកការនាំមុខបាន ២ – ០ តាមរយៈគ្រាប់បាល់តែតបញ្ចូលទីរបស់កីឡាករ សឿយ វិសាល និង ធារី ចន្ថាប៊ីន។ ឈានដល់វគ្គទី២ ខ្សែប្រយុទ្ធ កែវ សុខផេង បន្ថែមបាន២គ្រាប់ទៀត នៅនាទីទី៦៨ និង នាទីទី៨៩ ។

នេះជាជំនួបមិត្តភាព ខណៈសប្តាហ៍ក្រោយក្រុមជម្រើសជាតិ មានភារកិច្ចដ៏ធំមួយទៀតគឺ ប្រជែងជាមួយក្រុម ឡាវ ទីម័រ និង ព្រុយណេ ដើម្បីដណ្តើមកៅអីវគ្គជម្រុះ Suzuki Cup ។