Post News Media ព័ត៌មានកីឡា  បើកឆាក Suzuk...

 បើកឆាក Suzuki Cup កម្ពុជា យកបាន៣ពិន្ទុពីឡាវ

ក្រុមបាល់ទាត់ជម្រើសជាតិកម្ពុជា ដណ្តើមបាន៣ពិន្ទុពីឡាវ ក្រោយយកឈ្នះដោយលទ្ធផល ២ ទល់និង ១ ក្នុងជំនួបដំបូងវគ្គជម្រុះ AFF Suzuki Cup ឆ្នាំ២០១៦ នាពហុកីឡដ្ឋានជាតិអូឡាំពិក។

ការប្រកួតនៅវគ្គទី១ ក្រុមទាំងពីរព្យាយាមដាក់សម្ពាធគ្នាយ៉ាងខ្លាំង ដោយខ្សែប្រយុទ្ធប្រាក់មុន្នីឧត្តម របស់កម្ពុជាបានឱកាសដាច់ម្តងដែរ តែធ្វើមិនបានសម្រេច។ ការប្រកួតឈានដល់នាទីទី៤៣ ខ្សែកាពារឡាវបានបង្ករកំហុសទៅលើ កែវ សុខផេង ក្នុងតំបន់គ្រោះថ្នាក់ ធ្វើឲ្យអាជ្ញកណ្តាលផ្តល់បាល់ពេណាល់ទីដល់ក្រុមកម្ពុជា និងធ្វើបានសម្រេចដោយ ប្រាក់ មុន្នីឧត្តម។

ឈានដល់វគ្គទី២ នាទីទី៥១ ឡាវ តាមបាន១គ្រាប់វិញ ប៉ុន្តែជិតចប់ការប្រកួតទៅហើយ ខ្សែបម្រើស្លាប ឈិន ឈឿន បន្ថែមគ្រាប់ជ័យជម្នះឲ្យក្រុមគោព្រៃតែម្តង។ ចប់ការប្រកួត កម្ពុជា ឈ្នះ ឡាវ ២ – ១ ។

cam-lao-4

cam-lao-1

cam-lao-2