លោក Jurgen Klopp បាននិយាយថាទ្វានៅទីលានរបស់ក្រុមហង្សក្រហម Liverpool បើកស្វាគមន៍កីឡាករ Steven Gerrard ជានិច្ច ប្រសិនបើរូបគេចង់ត្រលប់មកលេងវិញ។

Gerrard កាលពីពេលថ្មីៗនេះ បាននិយាយថារូបគេអាចនឹងត្រលប់ទៅលេងបាល់ទាត់នៅអង់គ្លេសវិញ នៅពេលណាមួយ ប្រសិនបើមានឱកាសម្ដងទៀត ខណៈដែលអនាគតរបស់គេនៅក្លឹប Los Angeles Galaxy នៅពេលនេះមិនទាន់ច្បាស់នៅឡើយ។ កីឡាករវ័យ៣៦ឆ្នាំរូបនេះ បានបង្ហោះសារនៅលើ Instagram ក្នុងការប្រកួតចុងក្រោយក្នុងលីគMLS ថា៖ “រស់នៅនិងលេងឱ្យក្លឹបនៅទីនេះពិតជាអស្ចារ្យខ្លាំងណាស់។ វាជាបទពិសោធន៍មួយសម្រាប់ខ្ញុំ អរគុណនូវអ្វីគ្រប់យ៉ាង”។

ក្រោយពីឃើញសារនេះហើយ គេហាក់មើលឃើញថាកីឡាករជើងចាស់រូបនេះ ហាក់មិនអាចលេងនៅអាមេរិកបានទៀតទេ ដោយរូបគេចង់ចាកចេញទៅលេងនៅក្លឹបក្នុងប្រទេសដទៃជាក់ជាមិនខាន។ ជាមួយនិងរឿងនេះដែរ Klopp គ្រូបង្វឹករបស់ក្រុម Liverpool ក៏បញ្ជាក់ដែរលោកស្វាគមន៍ជានិច្ចចំពោះការចង់វិលវិញរបស់ Gerrard ។

Gerrard ជាកីឡាករលេងឱ្យ Liverpool រាប់ឆ្នាំមកហើយ ដោយបង្ហាញខ្លួនបាន៦៩០ប្រកួត និងរកគ្រាប់បាល់បាន១៨០គ្រាប់ បញ្ជូនបាល់ឱ្យមិត្តរួមក្រុមស៊ុតបាន១០០គ្រាប់៕