BitTorrent វាមិនមែនជាកម្មវិធីនោះទេ។ វាគឺជាសេវាទាញយកឯកសារ ដោយប្រើប្រាស់ប្រព័ន្ធចែករំលែកទិន្នន័យ peer to peer (ចែកចាយតាមបណ្តាញពីមួយទៅមួយ)។ ដើម្បីដោនឡូដឯកសារតាម BitTorrent បាន លោកអ្នកត្រូវប្រើប្រាស់កម្មវិធីមួយឈ្មោះ BitTorrent Clients ឬ uTorrent។

សេវាដោនឡូដនេះ គឺខុសគ្នាទៅនឹងកម្មវិធីដោនឡូដផ្សេងៗ ដែលលោកអ្នកធ្លាប់បានប្រើ ហើយតែងតែភាន់ច្រឡំនឹងវា នៅពេលចាប់ផ្តើមប្រើប្រាស់សេវានេះដំបូង។ វាមិនពិបាកប្រើនោះទេ គ្រាន់តែវាខុសប្លែកពីគេ។ មិនយូរប៉ុន្មាន អ្នកច្បាស់ជាបញ្ឈប់ការប្រើកម្មវិធីដោនឡូដផ្សេងៗ រួចងាកមកប្រើសេវា BitTorrent វិញម្តង។

នៅក្នុងឆ្នាំ ២០០៥ ក្រុមហ៊ុន BitTorrent បានអភិវឌ្ឍកម្មវិធីមួយឈ្មោះ uTorrent ដែលមានសមត្ថភាពស្មើនឹង BitTorrent Client​​ ដែរ។

ដើម្បីធ្វើការដោនឡូដតាមសេវា BitTorrent បាន អ្នកត្រូវស្វែងរកឯកសារប្រភេទ Torrent ដែលមានកន្ទុយឯកសារ .torrent (ឧទាហរណ៍៖ Movie.torrent) នៅលើអ៊ិនធើណែត បន្ទាប់មកដោនឡូដវា យកទៅបើកនៅក្នុងកម្មវិធី BitTorrent Client ឬ uTorrent។

គួរបញ្ជាក់ដែរថា .torrent​ មិនបានផ្ទុកនូវសំំណុំឯកសារខាងក្នុងវាឡើយ គឺវាគ្រាន់តែផ្ទុកព័ត៌មានបង្ហាញទីតាំងនៃឯកសារ ឲ្យកម្មវិធី BitTorrent Client ឬ uTorrent បានដឹងប៉ុណ្ណោះ ក្រោយមកវានឹងចាប់ដំណើរការដោនឡូដយកឯកសារនោះមកតែម្តង៕

ចុចដោនឡូដកម្មវិធី BitTorrent Client ឬ uTorrent

ប្រភពព័ត៌មាន៖ lifehacker.com | Cloudwards