អាមេរិក៖ ក្រុម Hacker ដែលមានឈ្មោះថា «OurMine» បានចាប់ផ្ដើមវាយប្រហារជាថ្មីទៅលើគណនី Quora របស់លោក Sundar Pichai នាយកប្រតិបត្តិ (CEO) របស់ក្រុមហ៊ុន Google និងបានបង្ហោះសារឌឺដង តាមរយ:បណ្ដាញ Twitter ថែមទៀតផង។
ប៉ុន្មានសប្ដាហ៍មុននេះ ក្រុម Hacker «OurMine» បានវាយប្រហារគណនី Twitter និង Pinterest របស់លោក Mark Zuckerberg ស្ថាបនិក និងជានាយកប្រតិបត្តិ Facebook ព្រមទាំងបានបង្ហាញពាក្យសម្ងាត់ ជាសាធារណ:ទៀតផង។
ដោយឡែកនៅពេលនេះ «OurMine» បាន Hacker ចូលគណនី Quora របស់លោក Pichai ព្រមទាំងបានបង្ហោះសារនៅលើគណនី Twitter របស់លោក Pichai ជាលក្ខណ:ឌឺដង ដោយបានបញ្ជាក់ថា អ្វីដែលពួកគេធ្វើគឺគ្រាន់តែចង់សាកល្បង Security ប៉ុណ្ណោះ។
គួរបញ្ជាក់ផងដែរថា Quora ត្រូវបានគេចាត់ទុកជាសមាគមន៍សំណួរ-ចម្លើយ ដោយបានបង្កើតឡើងតាំងពីឆ្នាំ ២០០៩ ប៉ុន្តែដាក់ឲ្យប្រើប្រាស់ជាផ្លូវការនៅឆ្នាំ ២០១០៕
មតិយោបល់