ញ៉ូវយ៉កៈ ភាគ​ហ៊ុនរបស់ Ford បានធ្លាក់ចុះ ស្របពេលដែល​ក្រុមហ៊ុន​ផលិតរថយន្តមួយនេះ បានប្រកាសហៅរថយន្តចំនួន ៨៨ ០០០ គ្រឿង មានបញ្ហា​ត្រង់ម៉ាស៊ីន ដោយមិនដំណើរការ​ក្នុងការ​បូមយកប្រេង​ឥន្ធនៈ បង្កជាចំហេះ ជាកាតាលីករមួយជំរុញឲ្យទៅមុខ ។​

យោងតាមគេហទំព័រ thestreet ចុះផ្សាយ​នៅពាក់កណ្តាលខែ​សីហា កន្លងទៅនេះ បានឲ្យដឹងថា ទីផ្សារភាគហ៊ុន​រថយន្តមួយនេះ ធ្លាក់ចុះ នៅអាម៉េរិកខាងជើង ព្រោះតែ​រថយន្តជាង ៨៨ ០០០ គ្រឿង មានបញ្ហា​ត្រង់ម៉ាស៊ីន ព្រោះតែ​បរាជ័យដោយម៉ាស៊ីនមិនបូមប្រេង​ឥន្ធនៈ ។​

ការប្រកាសហៅរថយន្តខ្លួនមានបញ្ហា នេះ មានម៉ូដែល ស៊េរី ២០១៣ ដល់ ២០១៥ ប្រភេទរថយន្ត Ford Taurus, Ford Flex, Lincoln MKS, Lincoln MKT និង​ Ford Police Interceptor ។

ក្រុមហ៊ុន Ford ដែលមានមូលដ្ឋាននៅក្រុង Dearborn ក្នុងរដ្ឋ Michigan បាននិយាយថា ខណៈដែលបញ្ហា​ខាងលើនេះ មិនមានអ្នករងរបួស ឬគ្រោះថ្នាក់នោះទេ ហើយក៏ផ្តល់សេវាកម្មជួសជុល ត្រង់បំពង់ចំហេះ​ប្រេង ដោយមិនគិតថវិកាពីអតិថិជន​៕​