សេអ៊ូល: ក្រុមហ៊ុន Samsung មិនត្រឹមតែផ្អាកការផលិត Galaxy Note 7 ជាបណ្ដោះអាសន្ននោះទេ នៅថ្ងៃនេះ បានប្រកាសផ្អាកលក់ និងប្រាប់ទៅកាន់អតិថិជនទាំងអស់ឲ្យឈប់ប្រើ និងបិទដោយរក្សាទុកមួយរយ:សិន ដើម្បីរង់ចាំការស៊ើបអង្កេតទៅលើករណីផ្ទុះឆេះនាពេលថ្មីៗនេះ។
ក្រុមហ៊ុនចែកចាយ Samsung នៅសហរដ្ឋអាមេរិក និងនៅអូស្ត្រាលី បានផ្អាកលក់ Galaxy Note 7 ជាបណ្ដោះអាសន្ន បន្ទាប់ពីមានករណីផ្ទុះឆេះ Galaxy Note 7 នៅលើយន្តហោះដឹកអ្នកដំណើរ ខណ:ត្រៀមហោះហើរ ដោយបានបង្កការភ្ញាក់ផ្អើលយ៉ាងខ្លាំងដល់អ្នកដំណើរ។
នៅតៃវ៉ាន់ ថ្មីៗនេះ ក៏មានករណីផ្ទុះឆេះ Galaxy Note 7 ថ្មី ដែលទើបប្ដូររួចដែរ ដោយករណីផ្ទុះឆេះនេះ ខាងក្រុមហ៊ុន Samsung មិនបានចោទប្រកាន់ទៅលើថ្ម ដូចករណីកាលពីដើមខែកញ្ញាឡើយ ប៉ុន្តែអ្វីដែលសំខាន់នៅពេលនេះគឺ Samsung បានប្រកាសផ្អាកផលិត ផ្អាកលក់ និងណែនាំឲ្យអតិថិជន បិទ Galaxy Note 7 ចោលមួយរយ: រង់ចាំលទ្ធផលនៃការស៊ើបអង្កេតបង្ហាញ ទើបចេញសេចក្ដីប្រកាសថ្មី៕
មតិយោបល់