កម្ពុជា គ្រោងនឹងសាងសង់ផ្លូវល្បឿនលឿនប្រវែង ១៧០គីឡូម៉ែត្រ ពីភ្នំពេញដល់បាវិត ខណ:ប្រទេសវៀតណាម ក៏កំពុងត្រៀមខ្លួនសាងសង់ផ្លូវល្បឿនលឿនប្រវែង ៥៥គីឡូម៉ែត្រពីព្រំដែនដល់ហូជីមិញ។
បច្ចុប្បន្នភាគីទាំងពីរ បាននិងកំពុងសិក្សាពីចំណុចតភ្ជាប់ផ្លូវល្បឿនលឿនភ្នំពេញ-ហូជីមិញ។ នេះបើយោងតាមការចុះផ្សាយរបស់ក្រសួងសាធារណការ និងដឹកជញ្ជូនចេញផ្សាយកាលពីពេលថ្មីៗនេះ។
គម្រោងផ្លូវល្បឿនលឿនភ្នំពេញ-បាវិត ដែលមានប្រវែង ១៧០គីឡូម៉ែត្រ គ្រោងនឹងចំណាយទឹកប្រាក់ ២ពាន់លានដុល្លារអាមេរិក ហើយនឹងបញ្ចប់ការសាងសង់ក្នុងរយ:ពេល ១០ឆ្នាំ។
រីឯគម្រោងផ្លូវល្បឿនលឿនរបស់ប្រទេសវៀតណាម តភ្ជាប់ពីព្រំប្រទល់វៀតណាម (ខេត្ត Tay Ninh) ទៅទីក្រុងហូជីមិញ មានប្រវែង ៥៥គីឡូម៉ែត្រ គ្រោងនឹងចំណាយទឹកប្រាក់ប្រមាណ ៧០០លានដុល្លារអាមេរិក ហើយនឹងបញ្ចប់ការសាងសង់ក្នុងរយ:ពេល ១០ឆ្នាំ។
យោងតាមសារព័ត៌មានក្នុងស្រុករបស់ប្រទេសវៀមណាម ផ្លូវល្បឿនលឿនគឺមាន ៦គន្លង ដែលអនុញ្ញាតិឲ្យអ្នកបើកបរ អាចធ្វើដំណើរក្នុងល្បឿន ១២០គីឡូម៉ែត្រក្នុង ១ម៉ោង។
គួរជម្រាបផងដែរថា នៅពេលគម្រោងផ្លូវល្បឿនលឿននេះបញ្ចប់ ទំហំពាណិជ្ជកម្មរវាងប្រទេសទាំងពីរ នឹងបន្តកើនឡើងកាន់តែខ្លាំង និងជួយអភិវឌ្ឍន៍ប្រទេសកម្ពុជាទាំងមូល ដោយតភ្ជាប់ទៅកាន់ប្រទេសក្នុងតំបន់អាស៊ាន៕
មតិយោបល់