ព័ត៌មានសេដ្ឋកិច្ច

សោម៉ាគ្រុប គ្រោងបង្កើតមជ្ឈមណ្ឌល៦កន្លែង អាចស្តុកស្រូវ៣ម៉ឺនតោន សម្ងួត១៥០០តោនក្នុង១ថ្ងៃ

ក្រុមហ៊ុនសោម៉ាគ្រុប គ្រោងនឹងបង្កើតមជ្ឈមណ្ឌលខ្នាតធំ ៦កន្លែង ដែលមានសមត្ថភាពស្តុកស្រូវបាន ៣ម៉ឺនតោន និងអាចសម្ងួតស្រូវបាន ១៥០០តោនក្នុងមួយថ្ងៃ។ នេះបើយោងតាមគេហទំព័រ ក្រសួងកសិកម្ម រុក្ខាប្រមាញ់ និងនេសាទ ចេញផ្សាយកាលពីម្សិលមិញនេះ។

ក្រុមហ៊ុន ក៏មានបំណងសហការជាមួយរាជរដ្ឋាភិបាល ក្នុងការអភិវឌ្ឍន៍ប្រភេទពូជស្រូវដែលមានគុណភាពខ្ពស់ ធននឹងអាកាសធាតុនិងសត្វល្អិត ដែលអាចប្រកួតប្រជែងជាមួយនឹងប្រភេទស្រូវរបស់ប្រទេសជិតខាង ទាំងតម្លៃ និងគុណភាព។

បច្ចុប្បន្នក្រុមហុន កំពុងយកចិត្តទុកដាក់ក្នុងការនាំយកនូវបច្ចេកវិទ្យាទំនើប សម្រាប់ការផលិតស្រូវនៅកម្ពុជា និងស្នើដល់ក្រសួងកសិកម្ម រុក្ខាប្រមាញ់ និងនេសាទ សហការក្នុងការផលិតពូជស្រូវដែលមានគុណភាពខ្ពស់ ជាពិសេសគឺមានលក្ខណ:ស្តង់ដារអន្តរជាតិ។ នេះបើយោងតាមលោក រ៉ត បាសិទ្ធ នាយកផ្នែកកសិកម្មនៃក្រុមហ៊ុនសោម៉ាគ្រុប។

ជាការឆ្លើយតប លោក វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានចាត់ឲ្យអង្គភាពក្រោមឱវាទ ផ្តល់ការសហការជាមួយក្រុមហ៊ុន ហើយក៏បានស្នើឲ្យក្រុមហ៊ុន ជម្រុញការអនុវត្តកសិកម្មតាមកិច្ចសន្យាជាមួយនឹងសហគមន៍ផលិតស្រូវ ឲ្យបានទូលំទូលាយ ដើម្បីជួយលើកកម្ពស់ជីវភាពប្រជាកសិករ ធានាទីផ្សារ និងអភិវឌ្ឍន៍វិស័យកសិកម្មនៅកម្ពុជា៕

14563334_1187322317999650_8790693228586319280_n 15288657_1295071653864369_7039458146297456262_o

មតិយោបល់