គ្រោះថ្នាក់ចរាចរណ៍ បានធ្វើឲ្យកម្ពុជា ខាតបង់ប្រមាណជា ៣៣០លានដុល្លារអាមេរិកក្នុងមួយឆ្នាំ។ នេះបើយោងតាមការសិក្សារបស់ ADB ដកស្រង់ដោយលោក ស៊ុន ចាន់ថុល រដ្ឋមន្រ្តីក្រសួងសាធារណការ នឹងដឹកជញ្ជូន។

លោកបានបន្តថា សេវារថយន្តឆៀកចល័ត មិនបានផ្តល់ចំណូលជូនជាតិ តែអាចជួយសន្សំសំចៃថវិកាជូនជាតិ តាមរយៈការចូលរួមកាត់បន្ថយ គ្រោះថ្នាក់ចរាចរណ៍។

ចាប់តាំងពីដើមខែវិច្ឆិកាមក រយៈពេលជាងមួយខែនេះ ម៉ាស៊ីនឆៀកចល័ត ១គ្រឿង ឆៀកបានជីត ២ពាន់រថយន្តតាមខេត្តចំនួន ៥រួចមកហើយ។

តាមការសិក្សារបស់ JICA បានបង្ហាញថា បើប្រជាពលរដ្ឋកម្ពុជា គោរពច្បាប់ចរាចរណ៍ នោះវានឹងជួយកាត់បន្ថយការកកស្ទះបាន ១៥ភាគរយភ្លាមៗតែម្តង។

គួរបញ្ជាក់ដែរថា បញ្ហាកកស្ទះចរាចរណ៍ ក្នុងរាជធានីភ្នំពេញ ធ្វើឲ្យខាតបង់ប្រមាណ ២០លានដុល្លារអាមេរិកក្នុង១ឆ្នាំ ដោយសារការបញ្ឆេះថាមពល ប្រេងសាំងចោល៕