Post News Media ព័ត៌មានសេដ្ឋកិច្ច VTrust Tower ...

VTrust Tower ១៥ជាន់ បើកដំណើរការអគារការិយាល័យរបស់ខ្លួនហើយ

VTrust Tower បើកដំណើរការអគារការិយាល័យរបស់ខ្លួនហើយ បន្ទាប់ពីបានបើកការដ្ឋានសាងសង់កាលពីឆ្នាំ ២០១៥កន្លងទៅនេះ។ នេះដោយយោងតាមគេហទំព័រ Office Cambodia។

VTrust Tower គឺជាសំណង់អគារការិយាល័យ ដែលសាងសង់ឡើងលើផ្ទៃដី ១៨០០ម៉ែត្រការ៉េ​ និងមានកម្ពស់ ១៥ជាន់ ដែលក្នុងនោះបន្ទប់ការិយាល័យមានទំហំចាប់ពី ៥០ម៉ែត្រការ៉េឡើងទៅ។​

អគារការិយាល័យនេះ គឺជាប្រតិបត្តិការថ្មីមួយ ដែលគ្រប់គ្រងដោយក្រុមហ៊ុនអចលនទ្រព្យ VTRUST ដែលឋិតនៅទីតាំងយ៉ាងល្អឥតខ្ចោះ និងមានរចនាបទបច្ចេកវិជ្ជាយ៉ាងប្រណិត។

អគារការិយាល័យ VTrust Tower ជួលក្នុងតម្លៃ ១៦ដុល្លារអាមេរិកក្នុងមួយម៉ែត្រការ៉េ និង  មានចំណតអាចចតរថយន្តបានប្រមាណជាង ២០០គ្រឿង។

គួរបញ្ជាក់ផងដែរថា អគារនេះមានទីតាំងស្ថិតនៅសង្កាត់វាលវង់ ខណ្ឌ ៧មករា ទល់មុខវិទ្យាល័យបាក់ទូក និងមានទីតាំងនៅជិតអគារការិយាល័យ Delano’s ផងដែរ៕