ក្រុមហ៊ុន MQ Technology គ្រោងនឹងបោះទុន ៣០លានដុល្លារអាមេរិក បង្កើតរីសត នឹងសួនកម្សាន្ត លើផ្ទៃដីប្រមាណជា ៥ហិកតា នៅបន្ទាយចក្រី ខេត្តព្រៃវែង ក្នុងពេលឆាប់ៗខាងមុខនេះ។ នេះបើយោងតាមសារព័ត៌មានអន្តរជាតិ thestar ចេញផ្សាយកាលពីពេលថ្មីៗនេះ។

ក្រុមហ៊ុន MQ នឹងសហការជាមួយក្រុមហ៊ុនក្នុងស្រុក Cambodian Resorts and Entertainment សាងសង់រីសត សួនកម្សាន្តដែលមាន សណ្ឋាគារ កាស៊ីណូ នៅក្បែរព្រំដែនកម្ពុជា-វៀតណាម។

ក្រោមកិច្ចព្រមព្រៀងបានឲ្យដឹងថា ក្រុមហ៊ុន CRE នឹងផ្តល់ដីសម្រាប់ការសាងសង់ ហើយក្រុមហ៊ុន MQ នឹងផ្តល់ហិរញ្ញវត្ថុសម្រាប់ការសាងសង់សួនកម្សាន្ត និងអគារផ្សេងៗនៅលើដីនេះ។

គួរបញ្ជាក់ដែរថា គម្រោងនេះ ស្ថិតនៅចម្ងាយប្រមាណ ១០០គីឡូម៉ែត្រពីទីក្រុងភ្នំពេញ ដែលគ្រោងនឹងសាងសង់លើផ្ទៃដី ៥ហិកតា នៅក្បែរព្រំប្រទល់កម្ពុជា-វៀតណាម៕

រូបតំណាង