ព័ត៌មានបច្ចេកវិទ្យា

ប្រមុខក្រុមហ៊ុនបច្ចេកវិជ្ជាក្រាក់ៗអាមេរិក នឹងជួបកំពូល ជាមួយលោក Trump សប្តាហ៍នេះ


ប្រមុខដឹកនាំក្រុមហ៊ុបច្ចេកវិជ្ជាសំខាន់ៗនៅអាមេរិក នឹងចូលរួមក្នុងជំនួបកំពូលមួយ ដែលនឹងរៀបចំធ្វើឡើងនៅថ្ងៃពុធ (ថ្ងៃព្រហស្បត្តិ៍នៅកម្ពុជា) សប្តាហ៍នេះ នៅអគារ Trump Tower នាទីក្រុងញូវយ៉ក តបតាមការ​អញ្ជើញ​ពីលោកប្រធានាធិបតីជាប់ឆ្នោត Donald Trump។

ក្នុងនោះក៏រួមមានផងដែរ បណ្តានាយកប្រតិបត្តិក្រុមហ៊ុន Apple លោក Tim Cook,​ ក្រុមហ៊ុន Facebook លោកស្រី Sheryl Sandberg, ក្រុមហ៊ុន Microsoft លោក Satya Nadella, ក្រុមហ៊ុន Amazon.com លោក Jeff Bezos, ក្រុមហ៊ុន Oracle លោក Safra Catz, និងក្រុមហ៊ុន Tesla Motors លោក Elon Musk ជាដើម។

តាមរយ:ជំនួបដ៏សំខាន់នោះ លោក Safra Catz បានថ្លែងប្រាប់សារព័ត៌មាន Reuters ថា៖ «យើងគ្រោងនឹងប្រាប់លោក Trump ថា យើងនឹងនៅជាមួយ​គាត់ ហើយជួយគាត់គ្រប់មធ្យោបាយតាមដែលអាចធ្វើទៅបាន»។ លោកបន្ថែ​ម​ថា៖ «ប្រសិនបើគាត់អាចកែទម្រង់ច្បាប់ពន្ធដា បន្ធូរបន្ថយបទប្បញ្ញាត្តិ និងជួយ​ចចារឱ្យមានកិច្ចព្រមព្រៀងពាណិជ្ជកម្មកាន់តែប្រសើរ នោះឧស្សាហកម្ម​បច្ចេក​វិជ្ជា​នៅអាមេរិក នឹងមានលទ្ធភាពក្នុងការប្រកួតប្រជែងលើទីផ្សារ​ពិភពលោក​រឹតតែខ្លាំងក្លា»។

ដោយឡែក នាយកប្រតិបត្តិក្រុមហ៊ុន Apple, Facebook, និង Amazon​ ពុំអាច​សុំការអត្ថាធិប្បាយបានភ្លាមៗនៅឡើយទេ។

គួររំឭកថា លោក Cook ធ្លាប់បដិសេធនឹងមហាសេដ្ឋីអចលនទ្រព្យមិនព្រម​ដោះសោទូរស័ព្ទ iPhone របស់ភេវរករម្នាក់ ហើយក្រោយមក លោកត្រូវបាន​គេរាយការណ៍មកថា បានពិភាក្សាជាមួយក្រុមរោងចក្រផលិតឧបករណ៍របស់ខ្លួន អំពីលទ្ធភាពរុះរើសរោងចក្រមួយចំនួនមកក្នុងទឹកដីអាមេរិកវិញ៕

ប្រភពព័ត៌មាន៖ reuters

មតិយោបល់