Phnom Penh Capital City ជាសៀវភៅដំបូង បង្ហាញពីការអភិវឌ្ឍន៍ទីក្រុងភ្នំពេញ នៅរយៈពេល ២០ឆ្នាំចុងក្រោយនេះ ដែលនឹងត្រូវបានឧបត្ថម្ភដោយ Audi Cambodia និងស្ថានទូតអាល្លឺម៉ង់។
លោក Michael Waibel អ្នកនិពន្ធសៀវភៅ Phnom Penh Capital City បានបញ្ជាក់ថា សៀវភៅនេះ មិនមែនជាសៀវភៅដំបូង ហើយក៏មិនមែនជាសៀវភៅចុងក្រោយដែរ ព្រោះលោកធ្លាប់បាននិពន្ធសៀវភៅ អំពីទិដ្ឋភាពនៅទីក្រុងបី នៅប្រទេសវៀតណាម ហើយនឹងបន្តនិពន្ធពីទីក្រុងធំៗ នៅតំបន់អាស៊ីទៀត។
លោកបន្តថា ច្បាស់ណាស់ ភ្នំពេញស្ថិតនៅជួរមុខ ក្នុងការដោះស្រាយបញ្ហាប្រឈមនៃការអភិវឌ្ឍទីក្រុង ប្រកបដោយនិរន្តរភាពនៅក្នុងប្រទេសកម្ពុជា។
សៀវភៅបោះពុម្ពផ្សាយទំហំធំក្នុងទម្រង់ជាសៀវភៅសិល្បៈ ផ្អែកលើការងារផ្នែកបណ្ឌិតសភា និងមានរូបថតជាច្រើនបង្ហាញអំពីទិដ្ឋភាពថ្មីៗទាំងស្រុង រួមទាំងរូបថតដែលថតដោយដ្រូន។
លោក Michael Waibel ក៏បានបញ្ជាក់ដែរថា សៀវភៅនេះ នឹងមានដាក់លក់ជាផ្លូវការចាប់ពីថ្ងៃនេះទៅ ហើយលោកនឹងបន្តនិពន្ធសៀវភៅអំពីទីក្រុងនានា នៅក្នុងតំបន់អាស៊ី ដែលក្រុមហ៊ុន Audi ចូលទៅដល់។
គួរជម្រាបដែរថាក្រុមហ៊ុន Automotive Asia (Cambodia) Limited គឺជាក្រុមហ៊ុននាំចូលរថយន្ត Audi ផ្លូវការ ដែលមាន French CFAO Group ជាម្ចាស់ភាគហ៊ុនធំ ហើយក្រុមហ៊ុន Automotive Asia (Cambodia) Limited បានដំណើរការសាខា Audi Phnom Penh ដោយផ្ទាល់ ចាប់តាំងពីឆ្នាំ២០១៤ មក៕
មតិយោបល់