ព័ត៌មានសេដ្ឋកិច្ច

ឱកាសសម្រាប់អ្នកចង់ស្វែងយល់ និងវិនិយោគលើវិស័យអចលនទ្រព្យ មកដល់ឆាប់ៗនេះ

ព្រឹត្តិការណ៍តាំងពិព័រណ៍លើវិស័យអចលនទ្រព្យនៅកម្ពុជា ២០១៧ នឹងធ្វើឡើងចាប់ពីថ្ងៃទី ២៣ ដល់ ២៥ ខែ មិថុនា ឆ្នាំ​២០១៧។ នេះបើយោងតាមគេហទំព័រហ្វេសប៊ុក CVEA Cambodia។

វេទិកានេះនឹងត្រូវចែកចេញជាបីផ្នែក រួមមាន៖

១. ប្រធានសមាគមដីធ្លីមកពី ៨​ប្រទេសក្នុងអាស៊ាននឹងបកស្រាយ អំពីវិស័យអចលនទ្រព្យក្នុង ប្រទេសរបស់ពួកគាត់ តាំងពីឆ្នាំ ២០០៧ ដល់ ២០១៧ និង ឆ្នាំ ២០១៧ ដល់ ២០២៧។

២. ម្ចាស់បុរីចំនួន ៤នាក់ និងម្ចាស់ខុនដូចំនួន ៤នាក់ នឹងឡើងមកបកស្រាយអំពីប្រវត្តិអាជីវកម្ម បញ្ហាប្រឈម និង  ដំណោះស្រាយនៃវិស័យបុរី និងខុនដូនៅប្រទេសកម្ពុជា។

៣. វាគ្មិនកិត្តិយសដែលមានបទពិសោធន៍ខាងអភិវឌ្ឍអចលនទ្រព្យជិត ៥០ឆ្នាំ ក្នុងតំបន់អាស៊ាន វាគ្មិនកិត្តិយស ដែលមានបទពិសោធន៍ខាងសេវាកម្មអចលនទ្រព្យជិត ៣៥​ឆ្នាំនៅអាមេរិក និង វាគ្មិនកិត្តិយសដែលមានបទ ពិសោធន៍ខាងអភិវឌ្ឍន៍អចលនទ្រព្យជិត ២០ឆ្នាំ នៅតៃវ៉ាន់នឹងមាន វត្តមានក្នុងព្រឹត្តិការណ៍នេះ។

គួរបញ្ជាក់ផងដែរថា ពិព័រណ៍អចលនទ្រព្យកម្ពុជា ២០១៧ នឹងធ្វើឡើងនៅសណ្ឋាគារ Sofitel៕

មតិយោបល់