បច្ចុប្បន្នមនុស្សភាគច្រើនចង់រស់នៅកន្លែង ដែលមានទីតាំងជិតផ្លូវធំ ឬកន្លែងដែលផ្តល់ភាពងាយស្រួលក្នុងការធ្វើដំណើរ។ ជាក់ស្តែង ទីក្រុងមួយនៅប្រទេសចិន បានសាងសង់ផ្លូវរថភ្លើង​ឆ្លងកាត់អគារស្នាក់នៅតែម្តង ដើម្បីឆ្លើយតបតាមតម្រូវការរបស់មនុស្ស។ នេះបើយោងតាមការចេញផ្សាយរបស់គេហទំព័រ​ CNN។

ទីក្រុង Chongqing ប្រទេសចិនបានសាងសង់អគារស្នាក់នៅកម្ពស់ ១៩ជាន់ដែលមានផ្លូវរថភ្លើង ឆ្លងកាត់អគារ ឋិតនៅជាន់ទី ៨។ ​

ផ្លូវរថភ្លើង​នេះមានទីតាំងនៅទីក្រុង Chongqing ស្ថិតក្នុងអគារកម្ពស់ ១៩ជាន់ ត្រូវបានសាងសង់នៅជាន់ទី ៨ នៃអគារ។ នៅទីនោះមិនត្រឹមតែមានភ្លើងបំភ្លឺផ្លូវរថភ្លើងឆ្លងកាត់អគារ ១៩ជាន់ប៉ុណ្ណោះទេ​ ថែមទាំងមានចំណតឈប់ផងដែរ។

Chongqing មានទីតាំងស្ថិតនៅភាគអាគ្នេយ៍ប្រទេសចិន និងជាទីក្រុងធំមួយដែលមានមនុស្សរស់នៅ ប្រមាណជា ៤៩ លាននាក់។

ស្ថាបត្យករ និង អ្នករៀបចំផែនការបានបង្កើតគំនិតច្នៃប្រឌិត ដើម្បីធ្វើការដឹកជញ្ជូននិងគម្រោងលំនៅដ្ឋានរួមគ្នា ក្នុងប្រទេសចិនដែលត្រូវបានគេហៅថា “ទីក្រុងភ្នំ” ៕