Skyland ខុនដូ ក្នុងគម្រោងអភិវឌ្ឍន៍លើផ្ទៃដី ៧០០០ ហិកតានឹងមានវត្តមាននៅឆ្នាំ ២០១៩ ខាងមុខ
នេះបើតាមការសំភាសន៍ តាមរយៈទូរសព្ទជាមួយលោក កែវ ឌីណា បុគ្គលិកផ្នែកលក់របស់ Skyland ខុនដូ។

លោកបានឲ្យដឹងបន្ថែមថា Skyland ខុនដូ បាននឹងកំពុងដំណើរការសាងសង់ បើគិតរហូតមកដល់បច្ចុប្បន្ន គឺចំណាយពេលក្នុងការបុកគ្រឹះជិត ១ ឆ្នាំ និងកំពុងដំឡើងជាន់នៃអគារ ដោយអគារនេះ មានកម្ពស់ ៨ ជាន់ ដែលត្រូវការពេលវេលាសាងសង់រយៈពេលប្រមាណជា ២ ឆ្នាំ ហើយវាគ្រោងនឹងបញ្ចប់នៅឆ្នាំ ២០១៩ ខាងមុខនេះ។

អគារខុននេះ មានទីតាំងស្ថិតនៅតំបន់អភិវឌ្ឍន៍វិហារសួគ៌ ជិតតំបន់អភិវឌ្ឍសំខាន់ៗជាច្រើនដូចជា គម្រោងអភិវឌ្ឍឧទ្យានទឹកធំបំផុត និងកន្លែងកម្សាន្តធំៗ, គម្រោងអភិវឌ្ឍទីក្រុងរណបថ្មី , កន្លែងប្រណាំងសេះ និង តំបន់ទេសចរណ៍ផ្សេងៗបន្ថែមទៀត។

សូមជម្រាបផងដែរថា អគារខុនដូនេះ ត្រូវបានវិនិយោគដោយក្រុមហ៊ុន Star 5 Developer Pvt,.Ltd ដែលបានអភិវឌ្ឍលើគម្រោង Skyland លើផ្ទៃដីសរុប ៧០០០ ហិកតា៕