សណ្ឋាគារ និងរមណីយដ្ឋាន សុខា សៀមរាប នឹងប្រកាសបើកដំណើរការជាផ្លូវការ នៅថ្ងៃនេះ ក្រោមអធិបតីភាពរបស់ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។
សណ្ឋាគារ សុខា សៀមរាបនេះ ជាសណ្ឋាគារលំដាប់ផ្កាយ ៥ ដែលមាន ១២៣៦បន្ទប់ មានបុគ្គលិកចំនួន ៦២៨នាក់ និងមានភោជនីយដ្ឋានក្នុងសណ្ឋាគារចំនួន ២។
ក្រៅពីនេះ សណ្ឋាគារលំដាប់ផ្កាយ ៥ នេះ ក៏មានសាលសន្និសីទដ៏ធំ ទំហំ ៩ពាន់ម៉ែត្រការ៉េ ដែលអាចផ្ទុកចំណុះជាង ៣០០០នាក់។
គួរជម្រាបដែរថា សណ្ឋាគារ និងរមណីយដ្ឋាន សុខា សៀមរាប នឹងជួយបំពេញតម្រូវការទីផ្សារភ្ញៀវទេសចរជាតិ និងអន្តរជាតិ ដែលមកកម្សាន្តនៅ តំបន់ប្រវត្តិសាស្រ្តដ៏ល្បីបំផុតរបស់ ប្រទេសកម្ពុជា៕
មតិយោបល់