អគារ Glory International កម្ពស់ ៧៨ជាន់ បោះទុនវិនិយោគជាង ២០០លានដុល្លារអាមេរិក គ្រោងនឹងចាប់ផ្តើមដំណើរការសាងសង់ នៅឆ្នាំ ២០១៨ខាងមុខនេះ។ នេះបើយោងតាម ទីភ្នាក់ងារសារព័ត៌មានជាតិ ចេញផ្សាយកាលពីម្សិលមិញនេះ។

ក្រុមហ៊ុនចិន Yuan Chuang Real Estate វិនិយោគលើគម្រោងនេះ ដែលអាចចំណាយពេលសាងសង់ ៥ឆ្នាំ ក្នុងនោះមាន អាផាតមិន សណ្ឋាគារ ហាងលក់ទំនិញ ខុនដូ និងការិយាល័យជាដើម។

គួរជម្រាបដែរថា អគារនេះ មានទីតាំងស្ថិតនៅក្បែរ អគារ The Bridge ក្នុងសង្កាត់ទន្លេបាសាក់ ខណ្ឌចំការមន ក្រុងភ្នំពេញ៕