កាលពីពេលថ្មីៗនេះ ក្រុមហ៊ុនចិនប្រមាណ ៣៧ក្រុមហ៊ុន បានបង្ហាញការចាប់អារម្មណ៍លើ ការវិនិយោគនៅខេត្តព្រះវិហារ។ នេះបើយោងតាមទីភ្នាក់ងារសារព័ត៌មានជាតិ។
លោក អ៊ុន ចាន់ដា អភិបាលខេត្តព្រះវិហារ បានជួបពិភាក្សាការងារស្តីពី ការវិនិយោគលើវិស័យសំខាន់ៗក្នុងខេត្តព្រះវិហារ ជាមួយតំណាងក្រុមហ៊ុនចំនួន ៣៧ មកពីខេត្ត-ក្រុងចំនួន ៤ នៃសាធារណរដ្ឋប្រជាមានិតចិន រួមមានខេត្តកាំងស៊ី ខេត្តសានស៊ី ខេត្តលីជាំង និងទីក្រុងសៀងហៃ ។
តំណាងក្រុមហ៊ុនទាំង ៣៧ បានចាប់អារម្មណ៍ចង់វិនិយោគទុនលើ វិស័យសំខាន់ៗចំនួនបី ក្នុងខេត្តព្រះវិហារនៃព្រះរាជាណាចក្រកម្ពុជា គឺមានវិស័យទេសចរណ៍ វិស័យកសិកម្ម និងវិស័យឧស្សាហកម្ម ដោយមើលឃើញវិស័យទាំងបីនេះ អាចធ្វើការអភិវឌ្ឍបាន។
ជាចុងក្រោយ លោក អ៊ុន ចាន់ដា ស្វាគមន៍ចំពោះវិនិយោគិនចិន ដែលមានបំណងចង់វិនិយោគទុនលើវិស័យសំខាន់ៗ លើទឹកដីខេត្តព្រះវិហារនេះ ហើយ លោក នឹងចូលរួមជួយសម្របសម្រួលការងារវិយោគនានា ដែលសមស្របទៅតាមច្បាប់នៃព្រះរាជាណាចក្រកម្ពុជា៕
មតិយោបល់