កំណាត់ផ្លូវជាតិលេខ ៧៦ តភ្ជាប់ខេត្តរតនគីរី និងមណ្ឌលគីរី ត្រូវបានដាក់សម្ពោធឲ្យប្រើប្រាស់ជាផ្លូវការនៅថ្ងៃនេះ។ នេះបើយោងតាមគេហទំព័រក្រសួងសាធារណការ និងដឹកជញ្ជូន ចេញផ្សាយប្រមាណជា ១ម៉ោងមុននេះ។

កំណាត់ផ្លូវជាតិលេខ ៧៦ ចំណាយថវិកាប្រមាណ ៩២លានដុល្លារអាមេរិក មានប្រវែង ១៧២គីឡូម៉ែត្រ ដែលតភ្ជាប់ពី សែនមនោរម្យ ខេត្តមណ្ឌលគីរី ដល់ តាអង ខេត្តរតនគីរី នឹងប្រើពេលសាងសង់ប្រមាណ ៤២ខែ។

ផ្លូវនេះ ជាប្រភេទក្រាលកៅស៊ូ ២ស្រទាប់ ដែលត្រូវបានពង្រីកទំហំតួផ្លូវ ៩ម៉ែត្រ បង្កភាពងាយស្រួលដល់ការធ្វើដំណើររបស់ប្រជាពលរដ្ឋ។

លោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ក៏បានសំណូមពរដល់គ្រប់ក្រសួងស្ថាប័នពាក់ព័ន្ធ អាជ្ញាធរដែនដី ក្រុមហ៊ុន និងបងប្អូនប្រជាពលរដ្ឋ ឲ្យសហការគ្នា ចូលរួមថែទាំផ្លូវ បំពេញកាតព្វកិច្ចឲ្យបានត្រឹមត្រូវតាមលក្ខណៈបច្ចេកទេស និងគោរពច្បាប់ចរាចរជានិច្ច៕