នៅថ្ងៃនេះ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានឲ្យដឹងថា រាជរដ្ឋាភិបាល នឹងបង្កើតធនាគារខ្នាតតូចនិងមធ្យម ដែលមានគម្រោងទឹកប្រាក់ប្រមាណ ១០០លានដុល្លារ សម្រាប់ជួយក្រុមហ៊ុនតូច និងមធ្យមអោយមានសមត្ថភាព និងលទ្ធភាពផលិត និងកែឆ្នៃវត្ថុធាតុដើមក្នុងស្រុក ឲ្យកាន់តែមានគុណភាព និងតម្លៃខ្ពស់ សម្រាប់នាំចេញទៅទីផ្សារបរទេស។

ធនាគារថ្មីនេះ នឹងចូលរួមដោះស្រាយបញ្ហាប្រឈមនានា ការប្រកួតប្រជែង លើទីផ្សារ និងសម្រាប់ផ្តល់ការងារដល់ពលរដ្ឋប្រមាណពី ២៥ម៉ឺននាក់ទៅ ៣០ម៉ឺននាក់។

កម្ពុជា ត្រូវតែរៀនរស់ និងដកដង្ហើមដោយខ្លួនឯង ដូច្នេះការបង្កើតធនាគារនេះ គឺនឹងជួយពង្រឹងសេដ្ឋកិច្ចជាតិយើងអោយកាន់តែរឹងមាំ និងពលរដ្ឋមានការងារធ្វើ៕