ផ្ទះ ព័ត៌មានសេដ្ឋកិច្ច កម្ពុជា ទទួលប...

កម្ពុជា ទទួលបានពានរង្វាន់ល្អប្រសើរ ៣ ពីពិព័រណ៍ចិន-អាស៊ាន លើកទី ១៣

0

ភ្នំពេញ: កម្ពុជា ទទួលបានពានរង្វាន់ល្អប្រសើរ ៣ ពីពិព័រណ៍ចិន-អាស៊ាន លើកទី ១៣ ដែលផ្តល់ជូនដោយ គណ:កម្មការរៀបចំពិព័រណ៍ចិន-អាស៊ាន។ នេះបើយោងតាមការជម្រាបជូនសាធារណជនរបស់ក្រសួងពាណិជ្ជកម្ម កាលពីម្សិលមិញនេះ។

ពានរង្វាន់ ៣ ដែលព្រះរាជាណាចក្រកម្ពុជា ទទួលបាន នាឱកាសបញ្ចប់ពិព័រណ៍ រួមមាន៖

១. ពានរង្វាន់ល្អប្រសើរ លើការរៀបចំអ្នកស្វែងរកដៃគូធ្វើធុរកិច្ច

២. ពានរង្វាន់ល្អប្រសើរ លើការរៀបចំពន្លាជាតិ

៣. ពានរង្វាន់ល្អប្រសើរ ស្តីពីការជម្រុញសហប្រតិបត្តិការវិនិយោគ។

ក្រសួងពាណិជ្ជកម្ម បានសម្តែងពីសេចក្តីសោមនស្ស ក្នុងការទទួលបានពានរង្វាន់នេះ ដែលជាកិត្តិយសដ៏ឧត្តុង្គឧត្តម ហើយក្រសួងនឹងខិតខំបន្តកិច្ចការចូលរួមពិព័រណ៍ឲ្យទទួលបានជោគជ័យ នៅឆ្នាំក្រោយទៀត ក្នុងគោលបំណងលើកស្ទួយកិត្តិយសជាតិ ជម្រុញសកម្មភាពពាណិជ្ជកម្ម ព្រមទាំងទាក់ទាញវិនិយោគិន និងភ្ញៀវទេសចរបរទេស ឲ្យមកវិនិយោគ និងចូលទស្សនាប្រទេសកម្ពុជា កាន់តែច្រើនឡើង។

គួរជម្រាបផងដែរថា ពិព័រណ៍ចិន-អាស៊ាន លើកទី ១៣ បានប្រព្រឹត្តិឡើងកាលពីថ្ងៃទី ១១-១៤ ខែកញ្ញា ឆ្នាំ ២០១៦ នៅទីក្រុងណាន់នឹង ខេត្តក្វាងស៊ី ប្រទេសចិន និងទទួលបានជោគជ័យគួរជាទីមោទន:៕

14449941_1293854270627448_817915748462065142_n 14355156_1293853493960859_2656549428823743162_n 14344281_1293853870627488_899494906372085806_n