មកទល់នឹងពេលនេះមានរយៈពេល ៥ឆ្នាំទៅហើយ ជាមួយជើងថ្មីរបស់គាត់ ហើយឥឡូវនេះដែរ បុរស​ អាញ់ហ្វាងទុង មានអារម្មណ៍ថាការសម្រេច​ចិត្តវះកាត់នោះ ជាការ​សម្រេចចិត្ត​ដ៏ឆ្លាតវៃ​ ។​

កម្ពស់គឺជាបញ្ហាដែលមនុស្ស​ជាច្រើនចាប់អារម្មណ៍យ៉ាងខ្លាំង ។ទោះជាយ៉ាងណា​មិនមែនមនុស្សគ្រប់រូបកើតមក ប្រាកដដោយសំណាង ជាម្ចាស់មានកម្ពស់ស្តង់ដា និងល្អនោះទេ។​ ដើម្បីជំនៈនូវបញ្ហានេះ សម័យទំនើបបានរកឃើញ ថ្នាំ​ និងវិធីសាស្ត្រ​វះកាត់ ពន្លូតកម្ពស់ ។ តែទោះជាយ៉ាងណា ជាមួយនឹងបច្ចេកវិទ្យាសម័យថ្មីនេះ បានធ្វើឲ្យមនុស្សជាច្រើន ស្ទាក់ស្ទើរ ក្នុងការសម្រេចចិត្ត ជួយដល់ផ្លូវចិត្ត ដែលចង់បាននូវកម្ពស់មួយដ៏ខ្ពស់នោះ ។​

បុរសម្នាក់ ឈ្មោះ អាញ់ហ្វាងទុង កើតនៅឆ្នាំ​១៩៩៣ រស់នៅទីក្រុងហាណូយ បានចែករំលែកនូវបទពិសោធន៍របស់ខ្លួន ឆ្លងកាត់ការវះកាត់ជើង បន្លូតកម្ពស់ នៅលើបណ្តាញសង្គមហ្វេសប៊ុក ដោយមានអ្នកចូល​ជាមតិ និងចែករំលែក ចំនួន ៨,២ ពាន់គណនី ។ ការចែករំលែកនេះ លោកគ្រាន់តែចង់ផ្តល់ព័ត៌មាន ជួយដល់សហគមន៍​ឲ្យមានភាពប្រសើរ ឲ្យយល់ពីរបៀបដំណើរការ វះកាត់ជើង​បន្លូតកម្ពស់។​ លោកថា មានមនុស្សជាច្រើន មានភាពតក់ស្លុត ក្នុងការវះកាត់ជើងនេះ​។​

៥ឆ្នាំមកហើយ ដោយក្នុងឆ្នាំ​២០១២ គឺជាការធ្វើតេស្ត លើកដំបូងរបស់លោក ជាវិធីទាញជើ​ង ដើម្បីពន្លូតកម្ពស់ នៅមន្ទីរពេទ្យយោធា ១០៨ ក្រុង​ហាណូយ ធ្វើយ៉ាងណា​កែប្រែកម្ពស់ពី ១៦៧ ទៅ ១៧៦ សង់ទីម៉ែត្រ ។
លោកទុងថា «ពេលនេះ ៥ឆ្នាំហើយ ជាមួយនឹងការវះកាត់ និងទាញជើងបានជោគជ័យ ដើម្បីពន្លូតកម្ពស់ ដែលជាវិធីមួយ ធ្វើឲ្យខ្ញុំសប្បាយចិត្តខ្លាំងណាស់» ។​

លោកទុង បានចាប់ផ្តើម​ទាញពន្លូតជើង និងវះកាត់ដំបូងនៅខែមីនា ឆ្នាំ​២០១២ រហូតដល់ថ្ងៃទី៦ ខែឧសភា ឆ្នាំ​២០១២ ។ ៥ឆ្នាំមកនេះ លោកមិនទាន់ជួបនូវបញ្ហាក្នុងជីវិតលោកនោះទេ ពាក់ព័ន្ធនឹងការទាញ បន្លូតជើង​ ដោយអាចទៅលើកដុំដែក និងលើករបស់ធ្ងន់បាន ដូចមនុស្សធម្មតា​ទូទៅ៕​