តំបន់ជុំវិញភ្នែក ងាយនឹងកើតមានស្នាមជាំខ្លាំងណាស់ ប្រសិនបើវារងនូវការប៉ះទង្គិចជាមួយនឹងរបស់រឹង។ បន្ទាប់ពីត្រូវរបួសមិនយូរប៉ុន្មាន អ្នកនឹងមានការឈឺចាប់ ហើម ហើយស្បែកនឹងជាំបន្តិចម្តងៗ ដោយសារតែសរសៃឈាមនៅក្រោមស្បែករងនូវការធ្លុះធ្លាយ។ ប៉ុន្តែ សំណាងល្អមានឱសថធម្មជាតិ៣ប្រភេទ អាចដោះស្រាយបញ្ហានេះបាន ហើយមានប្រសិទ្ធភាពថែមទៀត។
១.ប្រទាលកន្ទុយក្រពើ
- ដំបូងអ្នកត្រូវកាត់យកប្រទាលកន្ទុយក្រពើស្រស់មួយធាង បកយកសាច់របស់វា។
- បន្ទាប់មកលាបនៅលើកន្លែងដែលប៉ះពាល់ មួយថ្ងៃឲ្យបាន២ទៅ៣ដង។
- ធ្វើបែបនេះរាល់ថ្ងៃ បញ្ហារលាក ការឈឺចាប់ និងស្នាមខ្មៅ ត្រូវកម្ចាត់ចោលបានទាំងអស់។
តែបៃតង
- យកតែមួយកូនកញ្ចប់តូច ដាក់ចូលទៅក្នុងទឹកក្តៅមួយស្របក់។
- បន្ទាប់មកយកទៅស្អំត្រង់កន្លែងដែលមានស្នាមជាំរយ:ពេល ១០ទៅ១៥នាទី។
- អនុវត្តបែបនេះមួយថ្ងៃឲ្យបាន៣ទៅ៤ដង រហូតទាល់តែស្នាមជាំបាត់ទៅវិញ។
ទឹកកក
- យកទឹកកកទៅវាយកម្ទេច រួចច្រកក្នុងថង់ប្លាស្ទិច ហើយរុំនឹងកន្សែងស្តើង។
- ម៉ាស្សាត្រង់តំបន់ដែលរងនូវផលប៉ះពាល់នៅជុំវិញភ្នែក ហើយទុកឲ្យបាន១៥នាទី។
- ព្យាយាមអនុវត្តឲ្យបាន ២ទៅ៣ដងក្នុងមួយថ្ងៃ ដើម្បីការពារស្នាមជាំ និងហើមជុំវិញរង្វង់ភ្នែក។
មតិយោបល់