នៅពេលដែលដឹងថាខ្លួនមានផ្ទៃពោះភ្លាម ស្ត្រីទាំងឡាយតែងតែមានការប្រុងប្រយ័ត្នគ្រប់សកម្មភាពទាំងអស់ ព្រោះខ្លាចប៉ះពាល់ដល់កូនក្នុងផ្ទៃ។ ក៏ប៉ុន្តែ ផលប៉ះពាល់មួយក្នុងចំណោមផលប៉ះពាល់ជាច្រើនដែលស្ត្រីមួយចំនួនមិនទាន់ដឹង គឺទម្លាប់នៃការគេង។
តាមរយ:គេហទំព័រ pregnancyvideo បានចុះផ្សាយថា ទីតាំងគេងដ៏មានសុវត្ថិភាពបំផុតស្រាប់ស្ត្រីមានផ្ទៃពោះ គឺការគេងបែរចំហៀង ជាពិសេសការផ្អៀងទៅខាងឆ្វេង។ ទម្លាប់គេងបែបនេះ អាចជួយកែលម្អលំហូរឈាម និងសារធាតុចិញ្ចឹម តាមទងសុកទៅកាន់ទារក។ លើសពីនេះទៅទៀត វាអាចជួយពង្រឹងសមត្ថភាពតម្រងនោមរបស់អ្នកម្តាយក្នុងការកម្ចាត់កាសំណល់ បណ្តេញជាតិទឹកដែលលើសចេញពីរាងកាយ ព្រមទាំងកាបន្ថយអាការហើមដៃហើមជើងផងដែរ។
ផ្ទុយទៅវិញអ្នកគួរតែជៀសវាងគេងផ្ងារ ព្រោះទម្ងន់នៃស្បូននឹងដាក់សម្ពាធទៅលើឆ្អឹងខ្នង សាច់ដុំ ពោះវៀន និងសរសៃឈាមធំ។ នេះហើយជាមូលហេតុដែលបណ្តោលឲ្យស្ត្រីមានផ្ទៃពោះមួយចំនួនមានការឈឺចាប់ ឈឺចាប់សាច់ដុំ កើតជំងឺឬសដូងបាត ឈាមរត់ខ្សោយ។
ម្យ៉ាងវិញទៀត ការគេងផ្ងោរ អាចបណ្តោលឲ្យអ្នកម្តាយមួយចំនួនមានអាការវិលមុខ ឡើងសម្ពាធឈាម គេងស្រម៉ុក និងឡើងទម្ងន់ខុសធម្មតា។
ចំពោះទារកវិញ មិនសូវទទួលបានលំហូរឈាម និងសារធាតុចិញ្ចឹមគ្រប់គ្រាន់ពីអ្នកម្តាយឡើយ នេះហើយជាមូលហេតុដែលធ្វើឲ្យទារកត្រូវប្រឈមនឹងបញ្ហាផ្សេងៗ។
ដោយសារតែមើលឃើញពីគុណវិបត្តិអស់ទាំងនេះ អ្នកជំនាញបានណែនាំឲ្យស្ត្រីគេងផ្អៀងទៅខាងឆ្វេង ព្រោះវាជាទីតាំងដ៏មានសុវត្ថិភាពបំផុត៕
មតិយោបល់