ព័ត៌មានសុខភាព

អនុវត្ត៣ជំហ៊ាន បបូរមាត់របស់អ្នកនឹងប្រែជាស៊ីជម្ពូរដោយមិនបាច់លាបក្រែម

អ្នកណាៗក៏ចង់បានបបូរមាត់ពណ៌ស៊ីជម្ពូរតាមបែបធម្មជាតិដែរ ប៉ុន្តែបំណងប្រាថ្នាមួយនេះកម្រមានអ្នកទទួលបានណាស់ ព្រោះមានកត្តាជាច្រើនដែលធ្វើឲ្យបបូរមាត់ប្រែក្លាយទៅជាពណ៌ខ្មៅស្រអាប់។ ដូច្នេះហើយ តើអ្នកចង់ដឹងពីវិធីកម្ចាត់បបូរមាត់ខ្មៅដែរឬទេ? វិធីដោះស្រាយបញ្ហាបបូរមាត់ពណ៌ខ្មៅមិនពិបាកនោះទេ គ្រាន់តែអ្នកអនុវត្តវិធីធម្មជាតិងាយៗ៣ជំហ៊ាន បបូរមាត់របស់អ្នកនឹងប្រែក្លាយទៅជាពណ៌ស៊ីជម្ពូរដូចបំណង។

ជំហ៊ានទី១-អ្នកត្រូវសម្អាតស្រទាប់ស្បែកខ្មៅៗចេញឲ្យអស់ពីបបូរមាត់សិន ដោយប្រើផលិតផលកែច្នៃចេញពីធម្មជាតិ។

  • សូមយកប្រេងដូចមួយស្លាបព្រាកាហ្វេ លាយជាមួយនឹងអំបិល១ស្លាបព្រាកាហ្វេដូចគ្នា។
  • យកសំឡីកប្បាសមកជ្រលក់ រួចត្រដុសនៅលើបបូរមាត់ឲ្យសព្វ។
  • ប្រើម្រាមដៃម៉ាស្សាថ្នមៗរាងជារង្វង់ប្រហែលជាមួយនាទី។
  • មួយសន្ទុះក្រោយមក សូមលាងសម្អាតចេញជាមួយនឹងទឹកធម្មតា ហើយជូតឲ្យស្ងួត។

ជំហ៊ានទី២-អ្នកត្រូវលាបឱសថដែលផ្សំពីធម្មជាតិមួយថ្ងៃឲ្យបាន ៣ទៅ៤ដង។

  • លាយប្រេងអូលីវ១ស្លាបព្រាបាយ ប្រេងដូងមួយស្លាបព្រាបាយ និងទឹកឃ្មុំកន្លះស្លាបព្រាកាហ្វេ។
  • កូរឲ្យធាតុផ្សំទាំងនេះក្លាយទៅជាល្បាយតែមួយ បន្ទាប់មកគ្របទុកក្នុងក្រឡឲ្យល្អ។
  • មួយថ្ងៃក្រោយមក ទើបយកល្បាយនេះមកលាបមួយថ្ងៃឲ្យបាន ៣ទៅ៤ដង។

ជំហ៊ានទី៣-អ្នកត្រូវផ្តល់សំណើមឲ្យបបូរមាត់នៅពេលរាត្រី។

  • សូមយកប្រេងវីតាមីនEមួយគ្រាប់ មកអនុវត្តនៅលើបបូរមាត់របស់អ្នករៀងរាល់មុនពេលចូលគេង។

ពេលប្រើបានមួយថ្ងៃដំបូនអ្នកនឹងឃើញពីភាពប្រែប្រួល ក៏ប៉ុន្តែសូមព្យាយាមបន្តអនុវត្តរហូតទាល់តែបបូរមាត់ប្រែទៅជាពណ៌ស៊ីជម្ពូរដូចបំណង៕

មតិយោបល់