ពេលខ្លះយើងមិនដឹងថាមានរឿងអ្វីទើបទារកយកស្រែកយំនោះទេ ក៏ប៉ុន្តែការយំគឺជាភាសាតែមួយគត់មួយដែលទារកកំពុងព្យាយាមប្រាប់យើងអំពីរឿងអ្វីមួយ។ ជាការពិតណាស់ អ្នកជំនាញផ្នែកសុខភាពបានមានប្រសាសន៍ថា ការយំគឺជារឿងធម្មជាតិ ហើយវាមិនមែនជារឿងអាក្រក់សម្រាប់ទារកនោះទេ។ ខាងក្រោមនេះ គឺជាហេតុផលមួយចំនួនដែលបណ្តោលឲ្យទារកយំ៖

ដកដង្ហើមជាលើកដំបូង
តើអ្នកឆ្ងល់ទេ ហេតុអ្វីទារកយំនៅពេលកើតមកភ្លាម? ការយំនៅដំណាក់កាលនេះ អាចជួយបើកចំហសួតរបស់ទារកដើម្បីស្រូបយកខ្យល់ចូល មានន័យថាទារកចាប់ផ្តើមដកង្ហើមជាលើកដំបូង។

ការប្រាស្រ័យទាក់ទង
ការយំជាភាសាទំនាក់ទំនង មុនពេលដែលទារករៀននិយាយ ហើយការយំក៏ជាភាសាតែមួយគត់ដែលទារកបង្ហាញថាពួកគេត្រូវកាជំនួយ។ សូម្បីតែពួកគេត្រូវការភាពកក្តៅពីអ្នកម្តាយ(ឱប) បំពេរ ឬមិនស្រួលខ្លួន ក៏ពួកគេស្រែកយំដែរ។

មានសុខភាពល្អ
ជាការពិតណាស់ ប្រសិនបើទារកមិនលឺសំលេងយំ គឺជារឿងដ៏គួរឲ្យព្រួបារម្ភទៅវិញទេ ព្រោះពួកគេអាចមានបញ្ហាធ្ងន់ធ្ងរណាមួយកើតមាននៅក្នុងខ្លួនដែលធ្វើឲ្យយំមិនចេញ។ អ្នកត្រូវចាំថា ការយំញឹកញាប់គឺជារឿងធម្មជាតិ ហើយក៏បញ្ជាក់ថាទារកកំពុងតែមានសុខភាពល្អធម្មតា។

ជាការធ្វើលំហាត់ប្រាណ
តើអ្នកជឿ ឬមិនជឿ? ការយំក៏ជាលំហាត់ប្រាណសម្រាប់ទារកដែរ ព្រោះនៅពេលដែលទារកស្រែកយំសាច់ដុំជាច្រើននឹងមានភាពរឹងមាំ ហើយមានសកម្មភាព ដូចជាមនុស្សចាស់ធ្វើលំហាត់ប្រាណអញ្ចឹងដែរ។

ធ្វើឲ្យមានអារម្មណ៍ល្អ
នៅពេលដែលទារកមានអារម្មណ៍មួរម៉ៅច្រើន ពួកគេនឹងស្រែកយំ ក៏ប៉ុន្តែបន្ទាប់ពីការយំពួកគេច្បាស់ជាមានអារម្មណ៍ល្អឡើងវិញជាមិនខាន៕

ប្រភព: boldsky