តើអ្នកកំពុងតែមានបញ្ហាកន្ទួលរមាស់នៅតំបន់ពិសេស មិនដឹងពីវិធីព្យាបាលមែនទេ? អាការកន្ទួលរមាស់កើតឡើងដោយសារតែការរលាក ឆ្លងមេរោគបាក់តេរី កើតជំងឺសើរស្បែក ឬប្រតិកម្មជាដើម។ ករណីនេះហើយ ដែលធ្វើស្បែករបស់លោកអ្នកឡើងកន្ទួកក្រហមតូចៗ ហើយមានភាពរមាស់ចង់តែយកដៃអេះនោះទេ។ ភាគច្រើនតំបន់ដែលងាយរងនូវផលប៉ះពាល់ជាងគេគឺ ក្រោមក្លៀក ក្រោមគល់សុដន់ ជាពិសេសក្បែរតំបន់ឯកជន។ បើដូច្នោះមែន អ្នកមិនចាំបាច់ព្រួយបារម្ភឡើយ ព្រោះប្រទាលកន្ទុយក្រពើ ជាឱសថដ៏មានប្រសិទ្ធភាពបំផុតក្នុងការដោះស្រាយបញ្ហាបែបនេះ។

របៀបប្រើប្រាស់ប្រទាលកន្ទុយក្រពើ
១.មុនដំបូង អ្នកត្រូវជូតសម្អាតកន្លែងដែលរងនូវផលប៉ះពាល់ឲ្យបានស្អាតជាមុនសិន។
២.បន្ទាប់មក កាត់ប្រទាលកន្ទុយក្រពើមួយធាងបកយកសាច់។
៣.ចាប់ផ្តើមយកសាច់ប្រទាលកន្ទុយក្រពើ បិទត្រង់កន្លែងមានបញ្ហា១៥ នាទី (បើអាចទុកចោលមួយយប់ក៏បាន)។
៤.អ្នកត្រូវព្យាយាមអនុវត្តឲ្យបានច្រើនដងក្នុងមួយថ្ងៃ(តាមតែអាចធ្វើទៅបាន) រហូតទាល់តែអាការជាសះស្បើយ។

ក្រៅពីវិធីមួយនេះ អ្នកអាចយកម្សៅសូដា (baking soda) មួយស្លាព្រា លាយជាមួយនឹងទឹកបន្តិចឲ្យរលាយចូលគ្នា រួចលាបនៅត្រង់កន្លែងដែលមានបញ្ហា បន្ទាប់មករងចាំរយ: ១៥ នាទី ទើបលាងចេញ៕

ប្រភព: yourstylishlife