យោងតាមការស្រាវជ្រាវថ្មីមួយបានបង្ហាញថា ជំងឺហឺត បានបង្កើនហានិភ័យនៃផលវិបាកទាំងក្នុងអំឡុងពេលមានផ្ទៃពោះ ទាំងពេលសម្រាលកូន ជាពិសេសកូនកើតមិនគ្រប់គីឡូ។ ជំងឺហឺត ជាទូទៅអាចបណ្តោលឲ្យរលាកសួតរ៉ាំរ៉ៃ ក្អក និងពិបាកដកដង្ហើម ដែលប៉ះពាល់ដល់ស្ត្រីមានផ្ទៃពោះ ចាប់ពី៨ទៅ១០ភាគរយ ក្នុងប្រទេសស៊ុយអែត។

ការសិក្សាទៅលើស្ត្រីជាង ១លាននាក់ ក្នុងនោះមាន ៧០០,០០០នាក់ដែលពពោះនៅចន្លោះឆ្នាំ ២០០១ និង២០១៣ បានរកឃើញថា ទារកដែលកើតចេញពីពោះម្តាយកើតជំងឺហឺតមាន១០ភាគរយ និងស្ត្រីសម្រាលកូនហើយប្រឈមនឹងជំងឺ preeclampsia (ដែលគេហៅថាក្រឡាភ្លើង) មាន៤ភាគរយ។ នេះបើយោងតាមសំដីរបស់អ្នកដឹកនាំការសិក្សាគឺវេជ្ជបណ្ឌិត Gustaf Rejno ដែលជាអ្នកជំនាញនៅប្រចាំវិទ្យាស្ថាន Karolinska ។ លើសពីនេះទៅទៀត ស្ត្រីដែលមានជំងឺហឺត ប្រឈមនឹងហានិភ័យខ្ពស់នៃការសម្រាលកូនមិនគ្រប់គីឡូ ពិបាកសម្រាល ឬសម្រាលមុនពេលកំណត់។

ការស្រាវជ្រាវបានបង្ហាញទៀតថា កត្តាតំណពូជ ឬកត្តាបរិស្ថាន ក៏អាចប្រឈមនឹងហានិភ័យកូនកើតមិនគ្រប់គីឡូ និងពិបាកសម្រាល ដែរ។ ដូច្នេះ ប្រសិនបើអ្នកកើតមានជំងឺហឺត ក្នុងអំឡុងពេលពពោះ គួរតែព្យាយាមកាត់បន្ថយភាពស្មុគស្មាញ ដើម្បីកុំឲ្យមានផលលំបាកកាន់តែធ្ងន់រធ្ងរ៕

ប្រភព៖ thehealthsite