ព័ត៌មានសុខភាព

គ្រោះថ្នាក់ណាស់! កុមារញ៉ាំការ៉េមញឹកញាប់ អាចបង្កឲ្យកើតជំងឺថ្លើម

អ្នកស្រាវជ្រាវបានធ្វើការព្រមានថា សារធាតុផ្អែមដែលត្រូវបានប្រើប្រាស់នៅក្នុងការ៉េម អាចធ្វើឲ្យខូចថ្លើម ចំពោះកុមារ ដូចជាគ្រោះថ្នាក់ដែលបណ្តោលមកពីជាតិអាល់កុលដែរ។

នៅក្នុងការ៉េម មានផ្ទុកសារធាតុ Fructose ជាប្រភេទជាតិស្ករខ្ពស់បំផុតដែលអាចបណ្តោលឲ្យមនុស្សស្លាប់ និងគ្រោះថ្នាក់ដល់សុភាព ច្រើនជាងជាតិស្ករដែលមាននៅក្នុងអាហារដទៃទៀត។ ជាតិស្ករប្រភេទនេះមានអាចបង្កឲ្យមានហានិភ័យនៃជំងឺមហារីក ដាច់សរសៃឈាមខួរក្បាល និងបញ្ហាសរសៃឈាមបេះដូង។

លោកបណ្ឌិត Samir Softic ប្រចាំនៅមជ្ឈមណ្ឌលនៃ Joslin Diabetes Center បាននិយាយថា ជំងឺថ្លើម គឺជារឿងដ៏គួរឲ្យព្រួបារម្ភខ្លាំងបំផុតចំពោះកុមារក្រោមអាយុ១៣ឆ្នាំ មកពីខ្លាញ់ក្នុងថ្លើម វិវត្តទៅជាជំងឺរលាកថ្លើម ក្នុងរយ:ពេលច្រើនឆ្នាំ។

ជាទូទៅការស្រាវជ្រាវបានធ្វើការសន្និដ្ឋានថា កោសិកាថ្លើមដែលទទួលជាតិស្ករ fructose និងក្លុយកូស មានភាពខុសគ្នាចំពោះមនុស្ស ២ពាន់លាននាក់ទូទាំងពិភពលោក ដែលឡើងទម្ងន់ ឬធាត់ និងមួយពាន់លាននាក់ទៀតដែលមានជំងឺថ្លើម។ ការលើសទម្ងន់ ឬភាពធាត់ កំពុងតែក្លាយជាបញ្ហានៅទូទាំងសាកលលោក ដោយសារតែវាអាចបង្កឲ្យកើតមានបញ្ហាខ្លាញ់ក្នុងថ្លើម និងជំងឺថ្លើម។

បើយោងតាមមជ្ឈមណ្ឌល គ្រប់គ្រង និងការពារជំងឺ ហៅកាន់ថា (CDC) បានឲ្យដឹងថា ជំងឺថ្លើម បានជះឥទ្ធិពលទៅលើមនុស្សស្ទើរតែគ្រប់វ័យ ប៉ុន្តែថ្មីៗនេះបានក្លាយទៅជាបញ្ហាធ្ងន់ធ្ងរសម្រាប់កុមារ។

ដូច្នេះហើយ ឪពុកម្តាយគ្រប់រូបគួរតែមានការប្រុងប្រយ័ត្នចំពោះការផ្តល់របបអាហារដល់កុមារ ជាពិសេសការ៉េម ឬភេសជ្ជ:ដែលមានផ្ទុកជាតិស្ករច្រើន៕

ប្រភព៖ soha

មតិយោបល់