Post News Media ព័ត៌មានសុខភាព ប្រយ័ត្ន! ជំង...

ប្រយ័ត្ន! ជំងឺមហារីក៣ប្រភេទ ដែលមានគ្រោះថ្នាក់បំផុតសម្រាប់មនុស្សស្រី

ជាញឹកញាប់ ស្ត្រីតែងតែប្រឈមនឹងហានិភ័យនៃជំងឺមហារីក ដែលបង្កឡើងដោយសារតែការប្រែប្រួលកម្រិតអ័រម៉ូន នៅក្នុងរាងកាយ។ ក៏ប៉ុន្តែក្នុងចំណោមជំងឺមហារីក ទាំងអស់ដែលមានចំពោះមនុស្សស្រី គឺមានជំងឺមហារីក ៣ប្រភេទដែលពួកគេត្រូវមានការប្រុងប្រយ័ត្ន ព្រោះវាមានគ្រោះថ្នាក់ដល់ជីវិត។

ជំងឺមហារីកសុដន់
ជំងឺមហារីកសុដន់ គឺជាជំងឺទូទៅបំផុតចំពោះស្ត្រី ហើយបើយោងតាមស្ថិតិបានបង្ហាញថា រាល់ឆ្នាំមានករណីថ្មីចំនួន ១១,០០០ករណី និងមានការស្លាប់ជា ៤,៥០០នាក់ ស្មើនឹង ២៥ភាគរយ នៃជំងឺមហារីកគ្រប់ប្រភេទចំពោះមនុស្សស្រី។

ជំងឺនេះ អាចកើតមានចំពោះមនុស្សស្រីគ្រប់វ័យរបៀបការទាំងអស់ ប៉ុន្តែភាគច្រើនកើតលើស្រីដែលមានអាយុលើស ៣០ឆ្នាំ។ កត្តាមួយចំនួនដែលបង្កើនហានិភ័យនៃជំងឺមហារីកសុដន់ចំពោះមនុស្សស្រីមានដូចជា៖

  • ប្រវត្តិគ្រួសារមានជំងឺមហារីកសុដន់
  • ការផ្លាស់ប្តូរអ័រម៉ូនក្នុងរាងកាយ
  • ការឆាប់មានកូននៅវ័យក្មេងពេក ឬមិនមានកូន
  • ទម្លាប់ជក់បារី និងផឹកស្រា
  • លើសទម្ងន់ ឬធាត់ជ្រុល

បើយោងតាមអ្នកជំនាញបានផ្តល់អនុសាសន៍ថា ស្ត្រីគ្រប់រូបគួរតែត្រួតពិនិត្យដុសន់ខ្លួនឯងជាប្រចាំ ប្រសិនបើមានករណីមិនស្រួល ប្រញាប់ទៅជួបគ្រូពេទ្យភ្លាម។ ជាពិសេសស្ត្រីដែលមានអាយុលើស ៤០ឆ្នាំ គួរពិនិត្យសុដន់ដោយអ្នកឯកទេស។

ជំងឺមហារីកមាត់ស្បូន
ជំងឺមហារីកមាត់ស្បូន គឺជាជំងឺដ៏សាហាវបំផុតដែលត្រូវបានបង្កើតឡើងនៅក្នុងជាលិកាស្បូន។ ជំងឺនេះ ត្រូវបានគេចាត់ទុកជាជំងឺដ៏សាហាវបំផុតជាប់លំដាប់ថ្នាក់ទី៤ ក្នុងចំណោមជំងឺមហារីកទាំងអស់ ហើយក្នុងមួយឆ្នាំៗមានករណីថ្មីចំនួន ៥,០០០ករណី និងស្លាប់ ២,០០០នាក់។

វាត្រូវបានគេប៉ាន់ប្រមាណថា នៅឆ្នាំ ២០២០ ករណីនេះនឹងកើនឡើងប្រហែលជា ១៧,០០០ករណី។ បើយោងតាមអ្នកជំនាញបានបង្ហាញថា ជំងឺមហារីកមាត់ស្បូន អាចបង្កឡើងដោយសារតែកត្តាផ្សេងៗ រួមទាំងការឆ្លងមេរោគ HPV ដែលឆ្លងតាមរយ:ការរួមភេទតាមរន្ធគូថ។

លើសពីនេះ ជំងឺមហារីកក៏អាចកើតមានឡើងផងដែរ ចំពោះអ្នកដែលរស់នៅក្នុងជីវភាព និងសកម្មភាពមិនល្អ។

  • ការរួមភេទជាមួយនឹងដៃគូច្រើន
  • ស្ត្រីដែលផ្តល់កំណើតច្រើនដង (មានកូនញឹកពេក)
  • ការប្រើប្រាស់ថ្នាំពន្យាកំណើតមិនបានត្រឹមត្រូវ
  • ប្រវត្តិគ្រួសារធ្លាប់កើតជំងឺមហារីកមាត់ស្បូន

វេជ្ជបណ្ឌិត បានផ្តល់អនុវសាសន៍ថា ស្ត្រីដែលរួមភេទញឹកញាប់ គួរតែធ្វើតេស្តជំងឺមហារីកមាត់ស្បូនជាប្រចាំ។ ជាពិសេស រោគសញ្ញានៃជំងឺមហារីកមាត់ស្បូន អាចបង្ហាញតាមរយ:លំហូរឈាមតាមទ្វារមាស ការបញ្ចេញទឹករំអិលច្រើនខុសប្រក្រតី ឈឺពោះផ្នែកខាងក្រោម ស្រកទម្ងន់គ្មានមូលហេតុ…អ្នកជំងឺគួរទៅជួបគ្រូពេទ្យភ្លាមៗ។

មហារីកក្រពេញអូវែ
ជំងឺមហារីកក្រពេញអូវែ គឺជាជំងឺមហារីកទូទៅបំផុតជាប់លំដាប់ថ្នាក់ទី២ ក្នុងចំណោមជំងឺមហារីក ៥ប្រភេទដែលកើតចំពោះមនុស្សស្រី។

តាមស្ថិតិបានបង្ហាញថា រាល់ឆ្នាំមានមនុស្សប្រមាណជា ១២០០នាក់ មានជំងឺមហារីកក្រពេញអូវែ រកឃើញយឺតពេក ដែលនាំឲ្យមានអត្រានៃការស្លាប់ខ្ពស់ ហើយមានតែ ២០ភាគរយប៉ុណ្ណោះដែលគេរកឃើញរោគសញ្ញាដំបូង និងអាចព្យាបាលទាន់ពេល។

មនុស្សស្រីដែលយឺតពេលក្នុងការមានផ្ទៃពោះ ការឆាប់មករដូវ ការមានទំនាក់ទំនងជាមួយនឹងជំងឺមហារីកសុដន់ ឬមហារីកអូវែ… នឹងបង្កើនហានិភ័យនៃជំងឺនេះ។

អ្នកជំនាញបានផ្តល់ដំបូលន្មានដល់ស្ត្រីគ្រប់រូប ឲ្យយកចិត្តទុកដាក់បន្ថែមទៀត ទៅលើសុខភាពបន្តពូជ ជាពិសេសនៅពេលដែលសង្កេតឃើញរោគសញ្ញាមួយចំនួនដូចជាងក្រោម៖

  • នោមទាស់ ឬនោមញឹកញាប់ខុសធម្មតា
  • ឈឺចាប់ខ្នងផ្នែកខាងក្រោយ អស់កម្លាំង
  • បាត់បង់ចំណង់អាហារ
  • ឈឺចាប់អំឡុងពេលរួមភេទ
  • ស្រកទម្ងន់លឿន ដោយគ្មានមូលហេតុ

លើសពីនេះទៅទៀត ស្ត្រីដែលឈានដល់វ័យបន្តពូជ អាចពិនិត្យមើលជំងឺមហារីកក្រពេញអូវែ ជាមួយនឹងអ៊ុត្រាសោន ដើម្បីរកមើលរោគសញ្ញាដំបូងនៃជំងឺនេះ៕

ដកស្រង់ពី៖ soha