ផ្ទះ ព័ត៌មានសុខភាព ៤ផ្នែកនៃរាងកា...

៤ផ្នែកនៃរាងកាយ បើប្រែទៅជាពណ៌ខ្មៅប្រយ័ត្នជំងឺថ្លើម

0

ថ្លើម គឺជាសរីរាង្គដ៏សំខាន់ក្នុងការរំលាយអាហារ ប៉ុន្តែប្រសិនបើសរីរាង្គមួយនេះមានបញ្ហា រាងកាយក៏ទទួលរងនូវផលប៉ះពាល់ដូចគ្នា។ ជាទូទៅ រោគសញ្ញាដែលបង្ហាញពីជំងឺថ្លើម គឺស្បែក ភ្នែក និងទឹកនោម… ប្រែក្លាយទៅជាពណ៌លឿង ដោយសារតែមុខងាររបស់វាចុះខ្សោយ។

ទោះជាយ៉ាងណា រោគសញ្ញានៃជំងឺថ្លើមនៅមិនទាន់អស់នោះទេ ការប្រែលប្រួលផ្នែកមួយចំនួនទៀតនៃរាងកាយ ក៏អាចបង្ហាញពីការវិវត្តទៅជាជំងឺថ្លើមផងដែរ។ ជាពិសេសនៅពេលដែលថ្លើមវិវត្តទៅជាធ្ងន់ធ្ងរ ធ្វើឲ្យបួនផ្នែកនៃរាងកាយប្រែទៅជាពណ៌ខ្មៅ។

១.ផ្ទៃមុខនឹងប្រែទៅជាពណ៌ខ្មៅ
ប្រសិនបើជំងឺថ្លើម រីកចម្រើនកាន់តែខ្លាំង វានឹងបង្កភាពមិនប្រក្រតីនៅក្នុការផលិតជាតិមេឡានីន នៅលើស្បែក ដែលជះឥទ្ធិពលដល់ការរំលាយសារធាតុប៊ឺលីរូប៊ឺន (bilirubin)។

ក្នុងអំឡុងពេលនេះ ស្បែករបស់អ្នកនឹងប្រែទៅជាពណ៌ក្រម៉ៅ ខណ:ដែលស្បែកក៏ជួបបញ្ហាស្ងួត មិនសូវមានភាពបត់បែន មិនភ្លឺរលោង…ផងដែរ។

២.រង្វង់ភ្នែករបស់អ្នកនឹងប្រែជាពណ៌ខ្មៅ
បញ្ហាមេតាប៉ូលិស ដែលបង្កឡើងដោយសារតែជំងឺថ្លើម ងាយនឹងធ្វើឲ្យស្បែកជុំវិញភ្នែករបស់អ្នកមានសភាពខ្មៅ។ លើសពីនេះទៅទៀត ជំងឺថ្លើមក៏ជះឥទ្ធិពលដល់ដំណើរការធម្មតារបស់ប្រព័ន្ធ អង់ដូក្រីន(endocrine) ដែលបណ្តាលឲ្យស្បែកមានបញ្ហាដូចជា មុខ ឬស្នាមអុជខ្មៅ។

ចំណាំ៖ ករណីនេះលើកលែងតែអ្នកដែលគេងមិនលក់ ព្រោះចំណុចមួយនេះក៏អាចធ្វើឲ្យរង្វង់ភ្នែកខ្មៅដែរ។

៣.សរសៃឈាមនៅលើពោះនឹងលេចឡើងជាពណ៌ខៀវក្រម៉ៅ ហើយហើម
ជាធម្មតា សរសៃឈាមនៅតំបន់ពោះមិនងាយបង្ហាញឲ្យយើងឃើញនឹងភ្នែកទទេបានទេនោះទេ។ ប៉ុន្តែ នៅពេលដែលអ្នកមានជំងឺថ្លើម សរសៃឈាមវ៉ែន ត្រូវបានរាំងស្ទះឈាម ដែលបណ្តោលឲ្យអណ្តែតឃើញយ៉ាងច្បាស់។ ជាពិសេស នេះជាសញ្ញានៃជំងឺក្រិនថ្លើម តែម្តង។

៤.បបូរមាត់ប្រែជាពណ៌ខ្មៅ
នៅពេលដែលបបូរមាត់ប្រែទៅជាពណ៌ត្នោត ឬខ្មៅងងឹត កាន់តែអាក្រក់ទៅៗ មាន័យថា អ្នកកំពុងតែប្រឈមនឹងជំងឺថ្លើមហើយ។ ដូច្នេះ ប្រសិនបើអ្នកមិនជក់បារី តែសង្កេតឃើញរោគសញ្ញាបែបនេះ សូមមានប្រញាប់ទៅពិគ្រោះជាមួយគ្រូពេទ្យភ្លាម៕

ដកស្រង់ពី៖soha

មតិយោបល់