Post News Media ព័ត៌មានសុខភាព អាហារសាមញ្ញៗ៥...

អាហារសាមញ្ញៗ៥ប្រភេទ ជាថ្នាំការពារជំងឺក្រិនថ្លើមពូកែផុតលេខ

ជំងឺក្រិនថ្លើម ត្រូវបានបង្កឡើងដោយសារតែបុព្វហេតុផ្សេងៗជាច្រើន រួមទាំងជាតិអាល់កុល ជំងឺរលាកថ្លើម និងខ្លាញ់ក្នុងថ្លើម ជាដើម។ ប្រសិនបើអ្នកមិនអាចរកឃើញរោគសញ្ញា និងប្រញាប់ព្យាបាលភ្លាមៗនោះទេ អាចនាំឲ្យមានការវិវត្តទៅជាជំងឺក្រិនថ្លើម។ ដូច្នេះ ដើម្បីការពារផលវិបាកផ្សេងៗ ដោយសារតែជំងឺក្រិនថ្លើម អ្នកគួរតែបន្ថែមអាហារទាំង៥យ៉ាង ខាងក្រោមនេះជាប្រចាំ៖

រមៀត
រមៀត មិនត្រឹមតែជាគ្រឿងទេស ដែលពេញនិយមបំផុតសម្រាប់ផ្សំនៅក្នុងអាហារផ្សេងៗនោះទេ វាក៏មានផ្ទុកសារធាតុប្រឆាំងអុកស៊ីតកម្ម សម្រាប់ការពារជំងឺក្រិនថ្លើម និងការខូចខាតនៃថ្លើម ដែលបណ្តោលមកពីរ៉ាល់ឌីកាល់សេរីផងដែរ។

ល្ហុង
អង់ស៊ីម ដែលមាននៅក្នុងផ្លែល្ហុង មានលទ្ធភាពអាចជួយការពារសរីរាង្គថ្លើមមិនឲ្យមានការខូចខាត ដោយសារតែរ៉ាឌីកាល់សេរី។ លើពីនេះល្ហុង ក៏មានផ្ទុកសារធាតុចិញ្ចឹមសំខាន់ៗ ដែលអាចការពារជំងឺក្រិនថ្លើម មានប្រសិទ្ធភាពបំផុត។

ខ្ញី
មើមខ្ញី មិនត្រឹមតែជាឱសថសម្រាប់ព្យាបាលជំងឺផ្តាសាយនោះទេ វាក៏មានផ្ទុកសារធាតុប្រឆាំងអុកស៊ីតកម្ម សម្រាប់ប្រយុទ្ធប្រឆាំងនឹងជំងឺក្រិនថ្លើមដូចគ្នា។ ជាពិសេស វាអាចបញ្ចេញជាតិពុលពីក្នុងថ្លើម និងស្តារមុខងារនៃថ្លើមឲ្យប្រសើរឡើងវិញ។

ប្រេងដូង
អាស៊ីតខ្លាញ់ និងសារធាតុប្រឆាំងអុកស៊ីតកម្ម នៅក្នុងប្រេងដូង មានតួនាទីសំខាន់បំផុតក្នុងការលុបំបាត់ជាតិពុលចេញពីថ្លើម។ ហេតុនេះហើយ អ្នកនឹងជៀសផុតពីជំងឺថ្លើម និងក្រិនថ្លើម។

វីតាមីនC
ការបន្ថែមវីតាមីនC អាចព្យាបាលជំងឺក្រិនថ្លើម ព្រោះវាអាចជួយបំបាត់ជាតិពុល និងខ្លាញ់ចេញពីថ្លើម។ លើសពីនេះទៅទៀត វីតាមីន C ក៏អាចទប់ស្តាត់ជំងឺថ្លើមជាច្រើន រួមទាំងជំងឺខ្លាញ់ក្នុងថ្លើមផងដែរ៕

ដកស្រង់ពី៖ soha