Post News Media ព័ត៌មានអន្តរជាតិ កងកម្លាំងអ៊ីស...

កងកម្លាំងអ៊ីស្រាអែល បាញ់សម្លាប់ជនជាតិប៉ាឡេស្ទីន ស្លាប់ និងរបួសជាច្រើននាក់

ប៉ាឡេស្ទីន: ក្រុមមន្ត្រីសុខាភិបាល នៅតំបន់ហ្គាហ្សាស្ទ្រីប បាននិយាយថា ចំនួនជនជាតិប៉ាឡេស្ទីនដែលត្រូវបានសម្លាប់ ដោយកងកម្លាំងអ៊ីស្រាអែល អំឡុងបាតុកម្មនៅជិតរបងព្រំដែន ជាមួយអ៊ីស្រាអែល បានកើនឡើងដល់៤ នាក់ហើយ។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី៩ ខែមិថុនា ឆ្នាំ២០១៨។

ទីភ្នាក់ងារព័ត៌មានប៉ាឡេស្ទីន Wafa បានឲ្យដឹងថា មនុស្សជាង ៦០០ នាក់ បានរងរបួសដោយវាយប្រហាររបស់កងកម្លាំងអ៊ីស្រាអែល ក្នុងនោះរួមមានទាំងអ្នកថតរូបម្នាក់ ឈ្មោះ Mohammed Abed al-Baba ត្រូវបានគេបាញ់ឲ្យរងរបួសជើងផងដែរ។

លោក Al-Baba បានបម្រើការងារឲ្យទីភ្នាក់ងារព័ត៌មាន AFP នៅក្នុងតំបន់ហ្គាហ្សាស្ទ្រីប ចាប់តាំងពីឆ្នាំ ២០០០មកម៉្លេះ ដោយលោកត្រូវបានគេបាញ់ចម្ងាចប្រហែល ២០០ ម៉ែត្រ ពីភាគខាងជើងតំបន់ហ្គាហ្សា៕

Loading...