មីយ៉ាន់ម៉ា: របាយការណ៍ពីមន្ត្រីបាននិយាយថា មនុស្សសរុបចំនួន ៣៨នាក់បាន​ស្លាប់​​ដោយសារជំងឺមិនស្គាល់រោគសញ្ញា នៅក្នុងភូមិដាច់ស្រយាលនៅក្នុងទី​ប្រជុំ​ជន​ចំនួន​ពីរ នៅភាគពាយ័ព្យនៅក្នុងតំបន់សាហ្គៃរបស់ប្រទេសមីយ៉ាន់ម៉ា។ នេះបើយោងតាមការចេញផ្សាយ​ដោយ​សារព័ត៌ាមានចិនស៊ិនហួ នៅថ្ងៃទី០៨ សីហា ឆ្នាំ២០១៦នេះ។

ភូមិ Htankhawlama ស្ថិតនៅទីប្រជុំជន Lahel ជាកន្លែងដែលមនុស្ស ២៥នាក់ក្នុងចំណោម ៣៨នាក់​បាន​ស្លាប់ មានទីតាំងស្ថិតនៅចម្ងាយ ៦៤គីឡូម៉ែត្រ ពីទីប្រជុំជន Lahel ហើយវាត្រូវចំណាយ​ពេលពីរ​ថ្ងៃ ដើម្បីទៅដល់ភូមិមួយពីទីប្រជុំជននេះ។ មន្ត្រីសុខាភិបាលបាននិយាយថា រោគសញ្ញា រួមមានគ្រុន​ក្តៅ ក្អក ឈឺក្បាល ឈឺក្នុងពោះនិងកន្ទួលក្រហម។ មន្ត្រីសុខាភិបាលបានបន្ថែមទៀតថា មនុស្សស្លាប់​ដែលងាយរងគ្រោះបំផុត ដែលពួកគេមានអាយុក្រោម ១២ឆ្នាំ។

ការធ្វើតេស្តឈាមគំរូអនុវត្តនៅមន្ទីរពិសោធន៍សុខភាពជាតិនៅក្នុងទីក្រុងយ៉ាំងហ្គោន បានបង្ហាញថា អ្នកជំងឺដែលត្រូវបានគេធ្វើរោគវិនិច្ឆ័យឃើញថា មានចំនួនបីនាក់ ដែលត្រូវបានចាត់ទុកថា បានឈាន​ដល់​សមាមាត្រការរីករាលដាលនៅក្នុងតំបន់នេះ។

របាយការណ៍នេះបានឱ្យដឹងថា ការចាក់ថ្នាំបង្ការត្រូវបានធ្វើឡើងប្រឆាំងនឹងជំងឺនេះ ដើម្បីទប់ស្កាត់​ការ​រាតត្បាតជំងឺនេះផងដែរ។ នៅក្នុងឧប្បត្តិហេតុមួយផ្សេងទៀត មនុស្សស្លាប់ ១៣នាក់ភាគច្រើនជាកុមារ ត្រូវបានរាយការណ៍នៅក្នុងទីក្រុង Nanyun នៅក្នុងតំបន់នេះ។

បើតាមរបាយការណ៍បានបន្ថែមទៀតថា អ្នកជំនាញសុខាភិបាលកំពុងតែស៊ើបអង្កេតទៅ​ក្នុងការផ្ទុះឡើង​នៃ​ជំងឺនេះ ចាប់តាំងពីពាក់កណ្តាលខែកក្កដាមកម្ល៉េះ៕