Post News Media ព័ត៌មានសុខភាព រោគសញ្ញាដំបូង...

រោគសញ្ញាដំបូងនៃជំងឺមហារីកបំពង់អាហារ និងអ្នកដែលប្រឈមហានិភ័យខ្ពស់បំផុត

ជំងឺមហារីកបំពង់អាហារ កើតឡើងនៅពេលកោសិកាមហារីកលូតលាស់នៅក្នុងបំពង់អាហារ ដែលមានចន្លោះចាប់ពីបំពង់ក រហូតដល់តំបន់ក្រពះ។ កោសិកាមហារីក ចាប់ផ្តើមកកើតដំបូងពីស្រទាប់ខាងក្នុងនៃបំពង់អាហារ ហើយអាចរីករាលដាលទៅតំបន់ផ្សេងៗទៀតនៃរាងកាយ។

បើយោងតាមសមាគមន៍ជំងឺមហារីកអាមេរិក បានបង្ហាញថា ប្រសិនបើជំងឺមហារីកបំពង់អាហារ ឈានដល់ដំណាក់កាលរីករាលដាល អត្រានៃការរស់រានមានជីវិតមានតិចណាស់ ប៉ុន្តែប្រសិនបើអ្នករកឃើញរោគសញ្ញាដំបូង គឺអាចព្យាបាលបានទាន់ពេលវេលា។

រោគសញ្ញាដំបូងនៃជំងឺមហារីកបំពង់អាហារ ដែលអ្នកគួរតែប្រយ័ត្ន

  • ពិបាកក្នុងការលេប ឬឈឺក្នុងពេលលេបអាហារ
  • ស្រកទម្ងន់ដោយមិនដឹងមូលហេតុ ហើយគ្មានចំណង់អាហារ
  • អួលណែន ឬឈឺទ្រូង
  • ក្អកញឹក
  • ពិបាកក្នុងការរំលាយអាហារ និងក្រហាយទ្រូង
  • អាហារត្រូវបានចាល់ពីក្រពះត្រលប់មកបំពង់អាហារវិញ

មនុស្សដែលប្រឈមនឹងហានិភ័យនៃជំងឺមហារីកបំពង់អាហារខ្ពស់បំផុត

  • អ្នកមានទម្លាប់ជក់បារី
  • អ្នកមានទម្លាប់ផឹកស្រាច្រើន
  • អ្នកមានជំងឺចាល់ជាតិអាស៊ីតក្នុងក្រពះ
  • អ្នកកើតជំងឺរលាកក្រពះ

ក្រៅពីនេះ មនុស្សដែលមានបញ្ហាធាត់ខ្លាំង ក៏ប្រឈមនឹងហានិភ័យនៃជំងឺមហារីកបំពង់អាហារដែរ។ ម្យ៉ាងវិញទៀត អ្នកជំនាញបានរកឃើញថា ជំងឺមហារីកនេះ កើតឡើងទូទៅចំពោះបុរសជនជាតិអាស៊ី និងស្បែកខ្មៅ ច្រើនជាងជនជាតិស្បែកស៕

ដកស្រង់ពី៖ soha

Loading...