អ្នកស្រាវជ្រាវបានបង្ហាញថា អ្វីដែលមិនអាចប្រកែបាន គឺការប្រើប្រាស់ទូរស័ព្ទដៃច្រើនពេក អាចបង្កឲ្យកើតជំងឺមហារីកខួរក្បាល។ ជាពិសេសចំពោះ កុមារ គឺងាយនឹងរង់នូវផលប៉ះពាល់ធ្ងន់ធ្ងរដល់សុខភាព រួមទាំងជំងឺមហារីកឈាម។
ថ្វីបើទូរស័ព្ទដៃ គឺជាផ្នែកមួយដ៏សំខាន់សម្រាប់មនុស្សក្នុងពេលបច្ចុប្បន្នក៏ពិតមែន ប៉ុន្តែអ្នកមិនត្រូវបណ្តោលខ្លួនឲ្យក្លាយទៅជាជនរងគ្រោះ ដោយសារតែវិទ្យុសកម្មដែលសាយភាយចេញពីទូរស័ព្ទដៃនោះឡើយ។
– នៅពេលដែលធ្វើការសន្ទនាគ្នា អ្នកគួរតែប្រើកាសសម្រាប់ជំនួយ។ ការរក្សាទូរស័ព្ទឲ្យនៅឆ្ងាយពីត្រចៀក វាអាចជួយកាត់បន្ថយបញ្ហាវិទ្យុសកម្មបាន។
ប្រសិនបើពេលសន្ទនាគ្នាអ្នកមិនបានប្រើកាសទេ សូមដាក់ទូរស័ព្ទឲ្យនៅឆ្ងាយពីត្រចៀក តាមដែលអាចធ្វើទៅបាន។ បើពុំដូច្នោះទេ ជាតិវិទ្យុសកម្មនឹងស្រូបចូលក្នុងខួរក្បាលរបស់អ្នកកាន់តែខ្លាំង។
– អ្នកអាចបើកសំលេង នៅពេលដែលចាប់ផ្តើមសន្ទនា នេះជាវិធីមួយជួយឲ្យទូរស័ព្ទដៃនៅឃ្លាតឆ្ងាយពីអ្នក។ ម្យ៉ាងវិញទៀត អ្នកគួរតែប្រើប្រាស់ទូរស័ព្ទណា ដែលមានសេវាខ្លាំង ព្រោះទូរស័ព្ទដែលមានសេវខ្សោយ ការបញ្ចេញជាតិវិទ្យុសកម្មកាន់តែច្រើន។
– កុំសន្ទនាគ្នាយូរពេក យកល្អគួរតែទំនាក់ទំនងគ្នាតាមរយ:ការផ្ញើរសារវិញ។ នេះក៏ជាវិធីមួយ ដែលអាចជួយរក្សាទូរស័ព្ទដៃឲ្យនៅឆ្ងាយពីត្រចៀករបស់អ្នកបានដែរ។
– កុំទម្លាប់យកទូរស័ព្ទដាក់ក្នុងហោប៉ៅអាវ ឬហោប៉ៅខោ ព្រោះវិទ្យុសកម្មអាចប៉ះពាល់ដល់បេះដូង ឬសរីរាង្គបន្តពូជរបស់អ្នក។
ដូច្នេះហើយ ដើម្បីចៀសវាងកុំឲ្យមានគ្រោះថ្នាក់ដោយសារតែជាតិវិទ្យុសកម្ម អ្នកគួរតែដាក់ទូរស័ព្ទ ឲ្យឆ្ងាយពីខ្លួន តាមដែលអាចធ្វើទៅបាន៕
មតិយោបល់