បរទេស: អ្នកវិទ្យាសាស្ត្រនៅសហរដ្ឋអាមេរិក បានមានប្រសាសន៍ថា ការលាងសម្អាតដោយប្រើទឹកផ្កាឈូកបាញ់បញ្ចូលតំបន់ឯកជនពិតជាធ្វើឲ្យអ្នកមានអារម្មណ៍ស្រួលខ្លួនមែន ប៉ុន្តែវាអាចបង្កហានិភ័យនៃការកើតជំងឺមហារីកអូវែទ្វេដង។
ការបាញ់វត្ថុរាវ ឬទឹកចូលក្នុងតំបន់ឯកជនអាចផ្លាស់ប្តូរតុល្យភាពបាក់តេរីល្អៗពីធម្មជាតិ ហើយអាចងាយនឹងឆ្លងមេរោគ។ ការស្ទង់មតិមួយរកឃើញថា ២៩% នៃស្ត្រីចំនួន ២៣២នាក់ មានទម្លាប់លាងសម្អាតតំបន់ឯកជនដោយប្រើទឹក ខណ:ដែល ៥៧% មិនដែលធ្វើសោះ។ ចំណែកឯក ១៤% ធ្លាប់ធ្វើម្តងម្កាល។
តាមរយ:ការស្រាវជ្រាវពីមុន អ្នកដែលលាងសម្អាតតំបន់ឯកជនដោយប្រើទឹក ត្រូវប្រឈមនឹងជំងឺមហារីកមាត់ស្បូន បន្ថយការមានកូន ឆ្លងមេរោគផ្សិត ជំងឺរលាកអាងត្រគាក ឆ្លងមេរោគក្នុងស្បូន និងមានកូនក្រៅស្បូន។
ប៉ុន្តែការសិក្សាថ្មីបានរកឃើញបន្ថែមទៀតថា ការប្រើទឹកលាងសម្អាតអាចបង្កឲ្យកើតជំងឺមហារីកក្រពេញអូវែ។ មានស្ត្រីប្រមាណជា ២០.០០០ នាក់នៅសហរដ្ឋអាមេរិកត្រូវគេធ្វើរោគវិនិច្ឆ័យឃើញមានជំងឺមហារីកក្រពេញអូវែ និង ១៤.៥០០ នាក់ផ្សេងទៀតបានស្លាប់ជារៀងរាល់ឆ្នាំំ។
នេះជារបាយការណ៍ដែលគេអាចសន្មត់បានថា ជំងឺមហារីកក្រពេញអូវែកំពុងតែកើតឡើងទ្វេដង ហើយវាបានក្លាយទៅជាឃាតករសម្ងាត់ដែលអាចឆក់យកជីវិតមនុស្សស្រីច្រើនជាងគេលំដាប់ទី ៤ នៅក្នុងពិភពលោក៕
មតិយោបល់