បរទេសៈ អាចម៍ត្រចៀក គឺជាសារធាតុពណ៌លឿងដែលកើតឡើងនៅក្នុងត្រចៀក ហើយវាក៏មានគុណសម្បត្តិជួយការពារក្រដាសត្រចៀកពីភាពកខ្វក់ ធូលីដី បាក់តេរី និងទឹកផងដែរ។ ប៉ុន្តែនៅពេលដែលអ្នកប្រើសំឡីត្បាល់ត្រចៀក វានឹងរំកិលចូលទៅក្នុងកាន់តែជ្រៅទៅៗ។

ប្រសិនបើអ្នកចង់សម្អាតត្រចៀកកុំប្រើសំឡីឲ្យសោះ ព្រោះអ្នកអាចឆ្លងមេរោគបាក់តេរី និងមេរោគផ្សិត ដែលបង្កទៅជាជំងឺធ្ងន់ធ្ងរបាន។

ប្រការដែលអ្នកគួរតែចងចាំ៖
– អ្នកគួរតែប្រើសំឡីសម្អាតផ្នែកខាងក្រៅនៃត្រចៀក និងតំបន់ជុំវិញត្រចៀកបានហើយ។
– កុំប្រើសំឡីត្បាល់ត្រចៀកឲ្យសោះ ព្រោះវាអាចរុញអាចម៍ត្រចៀកចូលកាន់តែជ្រៅ ហើយអ្នកអាចកើតបញ្ហាស្តាប់មិនលឺ និងវិលមុខ។
– ជាពិសេសសម្រាប់កុមារ អាចងាយនឹងឆ្លងមេរោគ ឬកើតមានបញ្ហាផ្សេងៗ។

ឥឡូវនេះអ្នកបានដឹងពីគ្រោះថ្នាក់នៃការប្រើសំលីត្បាល់ត្រចៀកហើយ ប៉ុន្តែអ្នកចង់ដឹងទេ តើមានជម្រើសអ្វីដែលអាចសម្អាតអាចម៍ត្រចៀកបាន?

ជម្រើសទី១៖ លាយអាកុល ទឹកខ្មេះស និងទឹក ក្នុងបរិមាណស្មើគ្នា បន្ទាប់មកបន្តក់ពីរទៅបីដំណក់ចូលទៅក្នុងត្រចៀក។

ជម្រើសទី២៖ អ្នកគ្រាន់តែបន្តក់ប្រេងអូលីវពីរបីដំណក់ចូលទៅក្នុងត្រចៀក វានឹងជួយធ្វើឲ្យអាចម៍ត្រចៀកទន់ ហើយងាយស្រួលក្នុងការយកចេញ៕

សូមទស្សនាការពន្យល់របស់អ្នកជំនាញដូចខាងក្រោម៖