ស៊ីរី: ក្រុមអ្នកសង្កេតការណ៍ កាលពីថ្ងៃពុធ បានរាយការណ៍ថា ពួកឧទ្ទាមបានរារាំងមនុស្សជាច្រើនប្រមាណជាង ១០០ គ្រួសារ មិនឲ្យពួកគេធ្វើដំណើរចាកចេញពីតំបន់ ដែលខ្លួនកំពុងកាន់កាប់ទ្បើយ នៅភាគខាងជើងទីក្រុងអាឡេប៉ូ ។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី២៤ ខែវិច្ឆកា ឆ្នាំ២០១៦។

ក្រុមឃ្លាំមើលសិទ្ធិមនុស្សស៊ីរី បាននិយាយថា ពួកឧទ្ទាមនៅសង្កាត់ Bustan al-Basha ជាមួយផ្នែកមួយ ដែលពួកនេះ បានកាន់កាប់នៅភាគខាងកើតនៃទីក្រុងអាឡិបប៉ូ បានធ្វើការហាមឃាត់ក្រុមគ្រួសារជាច្រើន មិនឲ្យចាកចេញពីសង្កាត់ Sheikh Maksoud ដែលគ្រប់គ្រងដោយពួកឃើដជាដាច់ខាត់។

ទាក់ទងនឹងករណីនេះ រដ្ឋាភិបាលស៊ីរី បានចោទប្រកាន់ពួកឧទ្ទាម ពីបទការរារាំងជនស៊ីវិល ក្នុងការចាកចេញពីភាគខាងកើតនៃទីក្រុង ទៅកាន់តំបន់ភាគខាងលិច ដែលគ្រប់គ្រងដោយរដ្ឋាភិបាលផងដែរ៕