អ៊ីតាលីៈ នាយករដ្ឋមន្រ្តីអ៊ីតាលីលោក Matteo Renzi នៅព្រឹកថ្ងៃចន្ទនេះ បានប្រកាសលាលែងពីតំណែង បន្ទាបពីលោកទទួលបរាជ័យធំមួយ ក្នុងការបោះឆ្នោតប្រជាមតិ លើកំណែទម្រង់រដ្ឋធម្មនុញ្ញ។ នេះបើយោងតាមរយៈ សារព័ត៌មានចិនស៊ិនហួ ចេញផ្សាយនៅថ្ងៃទី០៥ ខែធ្នូ ឆ្នាំ២០១៦។

លោក Renzi បានថ្លែងប្រាប់ក្នុងសន្និសីទកាសែតមួយថា «បទពិសោធនៃរដ្ឋាភិបាលរបស់ខ្ញុំ ត្រូវបានបញ្ចប់យ៉ាងច្បាស់នៅទីនេះ ក្រោយប្រជាជនអ៊ីតាលី ​បានបោះឆ្នោតប្រជាមតិលើវិសោតធនកម្មរដ្ឋធម្មនុញ្ញ កាលពីថ្ងៃអាទិត្យ »។

គួរបញ្ជាក់ដែរថា ការបោះឆ្នោតប្រជាមតិ គឺមានប្រជាជនអ៊ីតាលីប្រមាណជា ៥១លាននាក់ បោះឆ្នោតសម្រេចថា គួរ ឬមិនគួរលើកំណែទម្រង់ រដ្ឋធម្មនុញ្ញតាមសំណើរបស់នាយករដ្ឋមន្រ្តីអ៉ីតាលី លោក Matteo Renzi ក្នុងការកាត់បន្ថយ​អំណាច និងតួនាទីរបស់ព្រឹទ្ធសភាជាន់ខ្ពស់៕