ក្រុង Fort McMurry ប្រទេសកាណាដា កំពុងប្រឈមនឹងមហាយក្សភ្លើងព្រៃលេបត្របាក់ទាំងមូល

កាណាដា:ពលរដ្ឋកាណាដាជាង៨ម៉ឺន៨ពាន់នាក់ ត្រូវបង្ខំចិត្តចាកចេញពីក្រុង Fort McMurry ដោយសារអាកាសធាតុក្តៅខ្លាំង បង្កឲ្យភ្លើងឆេះព្រៃកាន់តែរីករាលដាល។ នេះបើយោងតាមរយ: សារព័ត៌មាន SKY NEWS ចេញផ្សាយមុននេះបន្តិច នៅយប់ថ្ងៃទី៥ ខែឧសភា ឆ្នាំ២០១៦។

ខណ:ពេលនេះ អាជ្ញាធរបានឲ្យដឹងថា កងកម្លាំងកាណាដាកំពុងដាក់ពង្រាយឧទ្ធម្ភាគចក្រ ដើម្បីប្រតិបត្ដិការជួយសង្គ្រោះបន្ទាន់។

គួរបញ្ជាក់ផងដែរ ហេតុការណ៍ភ្លើងឆេះព្រៃនេះ បានកើតទ្បើងកាលពីថ្ងៃច័ន្ទ ដែលបណ្ដាលឲ្យអគារចំនួន ១.៦០០ ខ្នង ត្រូវបានខូចខាត និងរងការបំផ្លិចបំផ្លាញ ប៉ុន្តែវាមិនបណ្ដាលឲ្យមានមនុស្សរងរបួស ឬស្លាប់នោះទេ៕